Popular Bible Verses from Roma 13

Share

Maka taroakamo Isa Al Masi Oputa Momalanga motantuakana opea to ipewaumiu. Tee bholi uose feʼelina maanusia moosena nawusuuna karona.

Bholi ukodhosa tee incemapo uka, maka tabeana ukodhosaaka kaasimiu i nuncana upomaamaasiaka podho-podho ingkomiu. Roonamo incemapo uka momaasiakana maanusia rangana, incia padhamo apamondo Hukumuna Taurati.

Bhari-bharia mia tabeana atungku tee pamarinta modhaangiana i bhawona, roonamo inda dhaangia o pamarinta mopotibhaakana kuasa inda mominaakana i Aulataʼala, tee o pamarinta modhaangiana sii-sii atantuakea Aulataʼala.

Malo padhaaka alapamo, tee o eo amakasumo. Rampaakanamo sumai maimo tabholiaka bhari-bharia pewau momadhaki mominaakana i kagalapu. Maimo tapasiapuaka karota tee tapake ewangata mominaakana i kainawa sumai.

Kaasi inda apewau kadhaki tee maanusia rangana. Jadi kaasi sumai kapamondona Hukumuna Taurati.

Jadi upomeamea opea molaengana ipomeamiu to mia molaengana motarimaia: Pomeamo balasitee i mia molaengana motarimaia, pomeamo weti i mia molaengana motarimaia, maekamo tee mia molaengana imaekamiu, tee uhoromatimea o mia molaengana ihoromatimiu.