Popular Bible Verses from Zaburu 139

Share

Iaku kusukuru i Ingkoo roonamo upadhaangiaaku tee cara inda momentela. Bhari-bharia ipewaumu inda amentela, tee atotuu-totuu kumataua o giu incia sumai.

E Aulataʼala, parakisaakumo tee umataumo ngangarandaku; ujiakumo tee umataumea o fikiriku. Kamatamea ara dhaangia o kadhaki i nuncana karoku, tee ususuakaakumo dhala mobakaa.

Roonamo Ingkoo mopadhaangiana bhari-bharia parewana badaku; Ingkoo mopebhanguiaku i nuncana kadhumana inaku.

Ingkoo ukamataaku wakutuu dhaangiapo kumembali satongka raa, tee i nuncana kitabimu bhari-bharia giu incia sumai padhamo atoburi to eo-eona mopadhana ipatantuakamu to iaku wakutuuna indapo aumba saangu eo minaaka i manga incia.

To kapalana molaguna. Zaburuna Daud. E KAWASANA OPU, Ingkoo utilikiaku tee umatauaku.

Iapai bhekulingka mamudhaakana kumaridho minaaka i rohimu? Iapai bhekupalai mamudhaakana kumaridho minaaka i karomu?

Ingkoo umataua bhari-bharia ipewauku, tee Ingkoo umatau opea ifikiriku minaaka i karidhoana.

Moomini indapo kupogau, satotuuna Ingkoo umataumea bhari-bharia bheipogauakaku, e KAWASANA OPU.

Ingkoo utilikiaku wakutuuna kulingka tee kupotidhole, tee umataua bhari-bharia lingkaaku.