Popular Bible Verses from Marko 5

Share

Anacimubwîra, erhi: «Mwâna wâni, obuyêmêre bwâwe bwakufumize; ocîgendere n’obuholo, onafume endwâla yâwe».

Omukazi walwâlaga omududu kurhenga myâka ikumi n’ibiri, erhi arhamire n’abafumu ba ngasi lubero, n’erhi ebintu byamuhwerîre byoshi buzira okubona ely’oku ngohe, ciru n’endwâla yâge yajà yayushûka.

Ho na halya ecirhambo câge cahuba, ayumva omu mubiri oku amâfuma endwâla yâge.

Agwârha olya mwâna okuboko, amubwîra, erhi: «Talita kum», kwo kuderha: «We munyere, nkubwîzire nti ozûke!»

Oku acidwîrhe aderha, hâyisha abantu barhenga emwa omukulu w’esinagogi, bamubwîra, mpu: «Kali mwâli wâwe afîre! Bici waciberakwo Omuyigîri­za irhwe?» Erhi ayumva ako kanwa bàdesire, Yezu abwîra olya mukulu w’esinagogi, erhi: «Orhayôbohaga; oyêmêre kwônene».

Bulya Yezu akâg’imubwîra, erhi: «We muzimu mubî, rhengamw’oyu muntu.» Amudôsa, erhi: «Izîno lyâwe we ndi?» Amushuza, erhi: «Izîno lyâni nie murhwe, bulya rhuli banji».