Popular Bible Verses from Mateyo 5

Share

Kandi barhayâkiza akamole okukafulika omu byâsi, ci mpu bakamanike emugamba, lyo kamolekera abâli omu nyumpa boshi. Ntyo obulangashane bwinyu bumoleke embere z’abantu, lyo bakabona ebijiro binyu binjà, bakuza Sho oli omu mpingu.

Mwe, muli bulangashane bw’igulu. Ecishagala ciyûbasirwe oku busongerwe bw’entondo cirhankafulikwa.

Iragi lyâbo ab’emirhima ecîre, bulya bayish’ibona Nyamuzinda.

Iragi lyâbo abashalisire banagwêrhe n’enyôrha y’obushinganyanya, bulya bayish’iyigurha.

Ci niehe mmubwîzire nti muzigire abammu­shomba, musengerere abammulibuza

Iragi lyâbo abakenyi omu murhima, bulya Obwâmi bw’empingu buli bwâbo.

Iragi lyâbo ab’omurhûla, bulya bayish’iderhwa bene Nyamuzinda.

Iragi lyâbo abadwîrhe balaka, bulya bayish’irhûlirizibwa.

Iragi lyâbo abadwîrhe balibuzibwa erhi bushinganyanya burhuma, bulya Obwâmi bw’empingu buli bwâbo.

Iragi lyâbo ab’olukogo, bulya bayish’ibêrwa nabo olukogo.

Mugwêrhe iragi bakammujacira, bakanamulibuza, bakanammuderhera ngasi mabî, bakammubeshera erhi nie ntuma. Musîme munacîshinge, bulya oluhembo lwinyu lwâyish’ibà lunene omu mpingu. Nabo abalêbi bali bammushokolîre, ntyo kwo balibusire.

Iragi lyâbo abîrhôhye, bulya bayish’irhegeka igulu.

Mwe, muli munyu gw’igulu. Ci kwône, omunyu gukarhengamwo obununu, cici gwankacilungwamwo? Ntâco gwankacikwânana okurhali kukabulirwa embuga n’okulabarhwa n’abantu.

Kuziga mwêhe mubè bimâna nk’oku Sho w’empingu ali mwimâna.

Oluderho lwinyu lubè: «Nêci, nêci; nanga, nanga»; n’ehyankalushisa aho, erhi hibî.

Mwayumvîrhe oku bàdesire: Isù oku isù n’elîno oku lîno. Niehe mmubwîzire nti murhakâg’igalulira omuntu amabî gâge; ci omuntu akakushurhira omu irhama liryo, omurhege n’ery’ekulembe.

Akabà isù lyâwe liryo linakaz’ikushumika, olirhomole, onalikabulire kuli; bulya kuli kwinjà kulusha okuheza cirumbu ciguma omu birumbu byâwe, ah’okuheza omubiri gwoshi omu nyenga y’omuliro. N’akabà okuboko kwâwe kulyo kunakakushumika, okutwe onakukabulire kuli: bulya kukwânîne oheze cirumbu ciguma omu birumbu byâwe, ah’okuheza omubiri goshi omu nyenga y’omuliro.