Popular Bible Verses from Ezayi 6

Share

Numva Nyagasani abaza ati: “Mbese ndatuma nde? Ni nde tuzatuma?” Ndamusubiza nti: “Ndi hano ntuma.”

Nuko bakikiranya amajwi bati: “Umuziranenge, Umuziranenge, Umuziranenge, ni Uhoraho Nyiringabo. Isi yose yuzuye ikuzo rye.”

Nuko ndavuga nti: “Ngushije ishyano, ndapfuye. Koko imvugo yanjye irandavuye kandi nkomoka mu bwoko bw'imvugo yandavuye. None mbonye Umwami, Uhoraho Nyiringabo.”

Mu mwaka Umwami Uziya yapfuyemo, Uhoraho yamubonekeye yicaye ahirengeye cyane ku ntebe ndende ya cyami, inshunda z'igishura cye zari zisesuye mu Ngoro.

Arinkoza ku munwa arambwira ati: “Iri kara rigukoze ku munwa, igicumuro cyawe kikuvanyweho, icyaha cyawe kirababariwe.”

Abaserafi bari bahagaze iruhande rwe, buri muserafi afite amababa atandatu: abiri yatwikiraga mu maso he, andi abiri agatwikira ibirenge byabo n'andi abiri yo kuguruka.

Umwe muri abo Baserafi aguruka ansanga afite ikara mu kiganza, yari arikuye ku rutambiro arifatishije igifashi.

Uhoraho arambwira ati: “Genda ubwire abo bantu uti: ‘Kumva muzumva ariko ntimuzasobanukirwa, kureba muzareba ariko nta cyo muzabona.’

Unangire imitima y'abo bantu, ubazibe amatwi, ubahindure nk'impumyi. Bitabaye ibyo bareba, bakumva, bagasobanukirwa, bityo bakangarukira bagakira.”