Popular Bible Verses from Ezayi 11

Share

Mwuka w'Uhoraho azahorana n'uwo mwami, ni Mwuka utanga ubwenge n'ubushishozi, ni Mwuka utanga inama n'ubutwari, ni Mwuka utuma bamenya Uhoraho bakamwubaha. Mwuka azatoza uwo mwami kubaha Uhoraho, uwo mwami ntazaca urubanza ashingiye ku gihagararo, ntazaruca ashingiye ku mabwire.

Umwami azaba nk'umushibu ushibutse ku gishyitsi cya Yese, azaba nk'ishami rirumbutse ryameze ku mizi yacyo.

Abatishoboye azabacira imanza zitabera, abakene bo mu gihugu azabarenganura, azavuga ijambo abatuye igihugu bahanwe, abagizi ba nabi azabicisha umwuka wo mu kanwa ke.

Abantu be azabayoborana ubutungane, azabayoborana ubudakemwa.

Ubugizi bwa nabi cyangwa ubwangizi ntibizarangwa ku musozi w'Uhoraho, koko isi izuzuzwa kumenya ikuzo ry'Uhoraho, izaryuzuzwa nk'uko inyanja zisendera amazi.

Isega izaturana n'umwana w'intama, ingwe izabyagira hamwe n'umwana w'ihene, inyana n'icyana cy'intare bizarisha hamwe, umwana muto azabiragira.

Ukomoka kuri Yese azaba nk'ibendera ry'ibihugu, amahanga azamuyoboka, aho azatura hazahabwa ikuzo.