Popular Bible Verses from Ezayi 1

Share

Uhoraho aravuze ati: “Nimuze, nimuze twumvikane. Ibicumuro byanyu bitukura nk'indubaruba, nyamara muzera nk'inyange. Naho byaba bitukura cyane muzera de.

Nimunyumvira, igihugu cyanyu kizarumbuka muhāge.

Nimwige gukora ibyiza muharanire ubutabera, nimurenganure urengana, nimurenganure impfubyi n'umupfakazi.

Nyamara nimwinangira mugakomeza kwigomeka, muzicishwa inkota.” Uko ni ko Uhoraho avuze.

Nimwiyuhagire mwisukure, nimumvane imbere ibikorwa byanyu bibi, nimureke gukora nabi.

Iyo murambuye amaboko musenga mbima amaso, amasengesho yanyu y'urudaca sinyumva, sinyumva kuko ibiganza byanyu byuzuye amaraso.

Nimurekere aho gukomeza kunzanira amaturo atagira umumaro, imibavu munyosereza intera ishozi. Sinkihanganira iminsi mikuru yo mu mboneko z'ukwezi n'amasabato, sinkihanganira amateraniro yanyu yo gusenga.

Inka imenya nyirayo, indogobe na yo imenya uyigaburira. Nyamara Abisiraheli nta cyo bashaka kumenya, abantu banjye nta cyo bumva.”

Nanga iminsi mikuru yanyu y'imboneko z'ukwezi, nanga n'ibindi birori byanyu, iyo mihango imbereye umutwaro ndayirambiwe.