Popular Bible Verses from يوحنا 11

Share

عیسی شُ آنا گُت: «ما هام کیامَت و زندگی. هرکَه اُ ما ایمون بیارِ، حتی اَگَه بِمِری، دَفَیدو زندَه اَدَبِه. و هرکَه زندَئِه و اُ ما ایمون اُشَه، هِسوَخت نامِری؛ اِئا باور اَکنِش؟»

عیسی شُ آنا گُت: «مَ مُ تو نِگُت که اَگَه ایمون بیارِش، شکوه و جلال خدائا اَبِنِش؟»

عیسی گِریخ اُشکِه.

ولی وَختی عیسی اِ خبرا اُششُنُفت، اُشگُت: «اِ مریضِنا وَ مرگ تَموم نابِه بلکه اَسِی شکوه و جلال خدائِه، تَ پُسِ خدا اُ واسطَهِ آنا جلال پیدا بِکو.»

عیسی اِ حرفیَه‌وا اُشزاد و بعد وَ صدای بلند جار اُشزاد: «ایلعازَر، دَر بِدا!» مردی که مُردِستاد، وَ دست و پَی کفن بَستَه و دستمالی که دُور لوش شُپیچِدِستاد، دَر اُمَ. عیسی شُ آنایا گُت: «واز اُشبِکنی و بِهِری اُچِه.»

عیسی دَفَیدو بُری غمگین بو، حَدِ مَکبَرَه اُمَ. مَکبَرَه، اِشکَتی هاد که جلووِ دَهَنَش سنگ گاتی شُنَدِستاد.

عیسی بعد از اِکِه اِ حرفیَه‌وا اُشزاد، شُ آنایا گُت: «رَفیکمو ایلعازَر خَتِه، ولی اَچام تَ بیدار شاکنام.»