Popular Bible Verses from Dodogoro 7

Share

Ego pa liguna sa jola sa vei inara sa qa dogoro lao qau, poni qa batia sa kai vaikamu minete lavata, kepore kai tinoni mina boka anye betoria! Na lame veidi pana okoto puku tinoni, na okoto bubutu, na minete tinoni beto na okoto dia parangana ko qai turu pana moena na totoqona bangara, beto pa moena na lami. Qai vasae poko keala gojo doruru beto sira doru, beto qai okoto aru kavana na gou pamu.

Beto qai vevela vei pira, <<Na inaalo sa na koko lame veina tana oda Tamasa, isa sa toqo pana totoqona bangara, beto na koko veina pana tana lami!>> qarigu.

Ura na lami sa mina dia sepati, isa sa toqo pa vaikorapaina na totoqona bangara, beto isa sa mina toni laoniria pana vuvugu kolo toana. Beto na Tamasa mina nyunyu paleria doru oni kolo mata takulanga pa matadi,>> sau.

Ko inara sa vei sa qai turu pa moena na totoqona bangara tana Tamasa, ko mai nabulunia na rane na bongi pana ona zelepade madina sisa. Ko isa sa toqo pa totoqona bangara mina suvere tavitiria na kopu vasareniria sira. Maike isongo burana ligu, beto maike isongo kidepe ligu, beto na tapo babi kaki mangini maike vakukuvuria.

Pira sau sa na mateana isa, <<Muke vaqasaria na peso, na ivere beto na gogou, koi vei mene vakoleniria mai tu na vinagigila pa readi sira na nabulu tana oda Tamasa,>> sau. Ko qa nongoronia sa na anye vaikamudi ira qai tavakolenia na vinagigila tana Tamasa pana readi sa ira kai gogoto madengavulu ka made tina, na koko lame veidi pana ka manogarua doru bubutu Izireli.