Popular Bible Verses from Dodogoro 3

Share

Vainongoro ko! Qa korapa turu pana atakamana sara ko qa kikia. Isa na tinoni mina nongoria na ovovelequ ko mina revangia sa na atakamana, poni sa ara mana tome tana ko mana teteku tavitia ara sisa, beto isa mina teteku tavitisiu sara.

<Qa gigilariaqua ara sira na mua roiti. Quke lomoso, beto quke mangini. Na qua nyorogua sa ao bu lomoso gu babu mangini gu qau! Ba ao qu mangini vaikokorapai, quke lomoso gu beto quke mangini gu, ko kode mana lua votu palenigo ara pa mangaqu sao.

Ara sa ira qa roroquria sa qa udukuria beto qa vavanauria tugu. Ko mu ngangali ko mu gabala loa pale sa na miu sela.

<Qa gigilariaqua ara sira na mua roiti. Dogoro, qa tei vanigo tu ara sa kai atakamana revangana ko muna nabulunisiu, ko kepore kame mina boka pateia sa na atakamana isa. Qa gigilaiqua sa nake lavatana sa na mua neqi, ba qu kopuniria ao sira na qua paranga, beto quke kilu palenisiu sara.

Isa sa turu varene sa ara mana vamalumia sisa ko mina somana toqo tavitisiu pana qua totoqona bangara, kai muqisi vei tugu ara ba qa varene ko qa somana toqo pana totoqona bangara tana Tamaqu.

Ura qu paranga sao, Na tinoni isisongoqu, na puraqu, kepore kai sa qa qasania, qugu sao. Ba quke gigilai sa ao sa qu vaivasevi beto qu vaivaroroqu sao! Qu golaba, leqa beto na gagadomu.

Ura qu kopunia ao sa na qua vavanau, ko qu turu vangajuria iira na tapata. Ko ao sa kode mana kopu vasarego tugu ara pana totoso tapata kode mina raja pa kasia gusu doruna ko mina podekeria sira na tinoni pa peso.

Minake sovai beto mana lame sara. Mu kopu vatalenia gu sisa qu isongia, ko kepore kai tinoni mi teku variunigo sa na mua pinia.

Mu suvere gegele, ko mu vaneqiria sira na mua uana qai tata mate. Ura qa dogoria ara sa kepore kai mua roiti sa okoto pana dodogoro tana Tamasa sao.