Popular Bible Verses from Giburu 12

Share

Ego ko ira na mota tinoni vevei inara qai varene pana dia rarange sa qai idi livutugita aipira. Ko sa vei sa gita ta loa paleria sira doru sakasa qai suqutugita beto na sela sa aru tamanagita, ko ta abutu vangajua gita sa na vaivose sa korapa kole pa moeda gita. Ta dogoro vatotogasia gita si Jisu isa na popodalaina beto na vinaokotona na oda rarange. Na qeqera sa sa koleona pa moena ko sa vakepore veveina pale isa sa na mate vaivakeana pa korosi, ko kopira sa korapa toqo pa kale matuana na Tamasa sisa.

Doru vavanau sa pana totoso qai tavaivavanauniria sa qaike vaivaqera goto qai vaivatakulanga. Ba ira qai teku varoitiria sa qai tekua na pinia toa bulena beto na tuvisina.

Mu podeke vivitigia ko mu toania na toa bubulena tavitiria doru tinoni beto na toa liosona pana tana Tamasa, ura na tinoni sake toa vei isa sa minake boka batia sa na Bangara.

Mu doro laoa sisa sa vangajuria na tapata qai vania ira na tinoni seladi, ko muke munyala beto muke oqani taloa pana miu rarange.

Ko gita ta paranga jongana ura taqe isongia na binangara sake boka tajou. Ko sa vei sa ta qera beto ta vatarasaea na Tamasa pana soana mina qerania isa beto ko mi tavitia na matagutu beto na pangaga

Mu vangaju veiniria na vavanau agou sira na vitigi qu tomeria. Na vitigi qu gosororia sa ulenia sa na Tamasa sa korapa veinigou na tuna sagou. Ura kepore sa kai koburu bike tavavanau pana tana tamana.

ura na oda Tamasa sa sa vei na iku pipiara.

Ira na tamada mekada sa qai vavanaugita pana totoso papakana gu pana soana qai rove veinia sa tuvisi. Ba na Tamasa sa roiti vei ko mi tokanigita gita ko ta somana tekua sa na toa liosona vei sa toania isa sau.

Ura pana miu rajana na sela sa agou sa oqoro votu talenigou na orungu.