Popular Bible Verses from Qelesia 3

Share

Ba na Karisito sa taleve vanigita sa gita taqeke boka tuti vaokotia na Vavanau ko sa tei ruvatagita tu pana leleve tana Vavanau ti Mosese. Sa taleve sa na Karisito tonai sa titi vei kai tinoni ikikerena pa korosi, ura pira sau sa na Kukuti Tabuna, <<Na tinoni talevena sa na tinoni sa titi pa babara gou,>> sau.

Ko tonai qu kole kame pana tai Jisu Karisito poni sa qu vaitoto gu pana dodogoro tana Tamasa sagou doru. Kepore sa na vaipikatai Jiu babi na tinoni karovona, na pinausu babi na tinoni taruvatana, na rereko babi na marene. Kepore sa kame bi poreveveina jolania sa kame.

Ego ko agou sa na tei tinonimiu tu tana Karisito ko sa vei isa sa agou ba na tuna tugu vei i Ebarahami, beto ko kopira ba muna isongia tugu agou sa na mana sa taringunguti vakolenia na Tamasa.

Na Karisito sa ruvatagita ko na mana tai Ebarahami sa qai somana tekua ira na tinoni karovodi tugu vei tonai qai rangea si Jisu Karisito, beto ko gita tonai taqe rangea sisa poni sa taqe tekua sa na Gagala sa taringunguti vakolenia na Tamasa.

Ko sa kabere vatale gu sa kepore sa kai tinoni mina tavatuvisinia pa moena na Tamasa sa na tutidi na Vavanau. Ura pira sau sa na Kukuti Tabuna, <<Na tinoni tuvisina mina toania na rarange,>> sau.