Popular Bible Verses from 2 Tesalonika 2

Share

Muke vaniria na lolomo sira na tinoni ko mai vasianagou, ura minake tei lame tu sa na rane isa tinganai mina kamua mai tu sa na totoso vuvukele riudia tadira na tinoni beto ko na kana tana Tamasa, na isongona na Tinoni Ikikerena Jola, isa mina tapipiara vakilasa sa mina votu lame mai tu.

Ka visa tavitimei, agei qe doro vaporeveveinai ko qe paranga jonganania tana Tamasa sa na veveimiu agou, ura na Bangara sa roroqugou sagou ko pa popodalaina tu sa vilegou na vua moena na Tamasa sagou ko muna isongia sa na inaalo, ko na Gagala Tabuna sa vamadigou sagou qu vasosotoa na vaivagigalai sosotona.

Ko na Tinoni Ikikerena Jola isa sa mina paranga vakekeporeria sira doru sakasava qai tapopoja tamasa babi na sakasava qai tavatarasae, beto sa mina lao tome toqo pa zelepade madina tana Tamasa ko mina gigalia mekana sa isa sa na Tamasa minagu.

Na Tamasa sa roroqugita beto pana ona vairoqu vaialona sa vanigita na manoto kole jolana beto na vangaju ko ta boka vera gegelenia gita sira na sakasa jongadi. Na Bangara i Jisu Karisito mekana beto na Tamasa na Tamada sa mi vaneqiria na bulomiu ko mu turu vaneqiniria doru roiti jongadi beto na paranga jongadi.

Ko sa vei sa na Tamasa sa garunu tariniria na neqi vaitoni vapiru sira ko qai vasosotoa sa na seseke

Na Tinoni Ikikerena Jola isa sa mina lame tavitia na neqi ti Setani ko mina roitiniria na roiti neqidi, na vinagigila sesekedi beto na roiti vaivagabara sesekedi. Ko mina varoitiria doru soana seseke ikeredi tadira na tinoni mai gosoria na vinakilasa. Kode mai tavakilasa sira na tinoni ira ura isa tugu na sosoto bi aloria sa qai dainiadia.

Na neqi ikikerena sa tei korapa tu roiti pa soana golomona, ba mina tateku varijo mai tu sa na tinoni sa aru vatogolia isa beto sa mina votu vakabere sa na tinonina.