Popular Bible Verses from 1 Timote 1

Share

Na paranga tarangena sapi ko sa pada ko mina tateku vakatapa: na Karisito i Jisu sa lame pa kasia gusu ko mi aloria sira na tinoni seladi sau. Ko ara tugu sa kame na tinoni ikikerequ jola.

Ba na ginuana sa roroqu tokanisiu ara sa na Bangara sa pira gu sa vei. Pana taqu sa vatadogoro momoenia na Karisito i Jisu sa na veveina isa sa boka vera vamomosonia sa na tinoni ikikeredi vevei ara. Ko ara sa kai dodogoro tutina tadira mai rangea sisa ko mai tekua sa na toa jola.

Na vinaokotona na vavanau api sa na vairoqu, isa sa koko vei pana bulo liosona beto pana monana jongana beto pana rarange sosotona.

Na Bangara lavata na kole jolana, sake boka mate, sa pae, beto kai memekai Tamasa sosotona, isa sa mi kole na panganga beto na vinalavata kamua na kamua. Agua.

Ko taqe gigilaioda tugu vei gita sa na Vavanau sa sake tavatoqo vania na tinoni tuvisina, goto ira tu na tinoni qai daidia tuti vavanau beto na tinoni duduvilidi, ira qai kilunia na Tamasa beto ira na tinoni seladi, ira qaike toania na toa madina beto qai kanai na Tamasa, ira qai vamatea na tinadi na tamadi beto ira na tinoni vavarivai, ira na tinoni lulasadi beto na marene qai vaivori vei na manugu, ira qai ikiko golomo pinausu, ira qai seseke beto qai maulu seseke, beto ira qai roitiniria na roiti qaike jongana pana vaivagigalai tuvisina.