Popular Bible Verses from رؤیا یوحَنّا 21

Share

هُوَّ راح یِمسَح کِل دَمعه مِن أعیونهُم. وَ بَعَد ما راح إیکون مُوت؛ وَ ما راح إیکون حِزِن وَ نُوح وَ وَجَع، لِأن أشیاء الْقَدیمه زالَن.»

بَعدِین ذاک الْگاعِد عَلَیٰ الْعَرش گال: «شوف، أصنَع کِل شي مِن یِدید.» وَ گال: «إکتِب هَذَن لِأن هِل کَلام لایِق لِلْأعتماد وَ حَقّ.»

وَ مِن الْعَرش، سِمَعِت صوت عالي إلْلي گال: شوف، مَسکَن الْإلَه إیکون مَعَ النَّاس، وَ هُوَّ راح یِسکِن مَعَهُم؛ وَ هُمّا راح إیکونون قومه، وَ الْإلَه بي نَفسه راح إیکون مَعَهُم وَ راح إیکون إلَههُم.

بَعَد مَرَّه گال لي: «خَلصَت! أنا ”ألف“ وَ ”ي“ وَ الْأبتِدَاء وَ الْأنتِهاء. أنا بي بَلاش راح أسقي کِل عَطشان مِن عَین ماي الْحَیَاة.

کِلمَن یِفوز، راح یورَث هَي، وَ أنا راح أکون إلَهه وَ هُوَّ راح إیکون ابني.

أمَّن الْخَوّافه وَ إلْلي ما عِندهُم إیمان وَ الْمَکروهین وَ الْقاتِلین وَ الْزانیِّن وَ الْسَحاحرَه وَ عابِدین الْأصنام وَ جَمیع الْچِذَّاذبه، راح إتکون نَصیبهُم بَحیره مِشتَعلَه بي نَار وَ چِبریت. هَذا إیکون مُوت الثَّاني.»

بَعدِین شِفِت سَماء یِدیده وَ أرض یِدیده، لِأن چانِن زایلات سَماء الْأوَّل وَ أرض الْأوَّل وَ بَعَد ما چان باقي بَحَر.

وَ شِفِت مَدینَه الْمُقَدَّسه أورشَلیم الْیِدیده إلْلي چانِت تِنزِل مِن السَّماء مِن صوب الْإلَه، جاهزه مِثِل عَروس الَّذي إمْزَیِنه روحها لِزوجها.

وَ الْمَدینَه ما تِحتاج شَمِس وَ گُمَر إلْلي یِشِرقَن عَلِیها لِأن مَجد الْإلَه یِضَوّیها وَ الْطُلي إیکون مَصباحها. وَ الْأقوام راح یِمشون بي نُورها وَ مُلوک الْأرض، راح إیِّبون کَرامَتهُم وَ مَجِدهُم لِأهناک.