Popular Bible Verses from Rôm 8

Share

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Yorlah gâp gĭt nanê̆ ngăn, nđâp tơlah nau khĭt, nau rêh, phung tông mpăr, phung kôranh chiă uănh, nau aƀaơ, nau rnôk kăndơ̆, nau dơi ktang, ndah jong, ndah jru, mâu lah du ntil ndơ rhăk njêng mâu dơi ôh tâm nkhah he bơh nau Brah Ndu rŏng tâm Brah Yêsu Krist, Kôranh Brah he.

Tâm ban lĕ, Brah Huêng Ueh kơl nau rdja he, yorlah he mâu gĭt moh nau di he dăn dôl mbơh sơm, ƀiălah Brah Huêng Ueh nơm mbơh sơm kơl an ma he ma nau rđêng mâu dơi rblang tâm nau ngơi gay kơl mbơh sơm ma phung he.

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh

Yor nau mĭn ŭch tĭng nglay săk jêng nau khĭt, ƀiălah mĭn ŭch tĭng Brah Huêng Ueh jêng nau rêh jêh ri nau đăp mpăn

Ƀiălah, tâm lĕ nau nây phung he yor Nơm rŏng ma he, he dơi mro mrăng.

Gâp mĭn ma lĕ nau rêh ni rnôk aơ mâu khư tâm rđĭl ma nau chrêk rmah tâm nar kăndơ̆ mra dơi tâm mpơl ma he.

Mbu mra nkhah he bơh nau Brah Yêsu Krist rŏng? Di lĕ nau rêh ni toyh, nau rngot klâng, nau ƀư mhĭk, nau ji ngot ji hir, gŭ săk hưl, nau jêr, mâu lah tak đao ƀơh?

Nơm sek uănh nuih n'hâm bunuyh, gĭt rah vah nau mĭn Brah Huêng Ueh, yorlah Brah Huêng Ueh tĭng nâm nau mĭn Brah Ndu ŭch, mbơh sơm kơl an ma phung kloh ueh.

Yorlah lĕ rngôch phung geh Brah Huêng Ueh Brah Ndu njŭn leo, jêng kon Brah Ndu.

N'hêl nanê̆ yơh, mbu nơm rêh tĭng nâm nglay săk ŭch mĭn ma lĕ nau kan ma nglay săk; ƀiălah mbu nơm rêh tĭng nâm Brah Huêng Ueh ŭch mĭn lĕ nau kan ma Brah Huêng Ueh.

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

Brah Huêng Ueh nơm mbơh ma huêng nuih n'hâm he, ma he jêng phung kon Brah Ndu. Tơlah he jêng phung kon ăt jêng phung ndơn drăp, ndrel jêng phung ndơn drăp Brah Ndu, ndrel jêng phung ndơn drăp ndrel ma Brah Krist; tơlah n'hêl nanê̆ ngăn he dơn nau rêh ni ndrel ma Păng, he mra geh nau chrêk rmah ndrel ma Păng.

yorlah nau mĭn let ma nglay săk jêng rlăng đah Brah Ndu, yorlah păng mâu tông nau vay Brah Ndu; ngăn, păng mâu geh nau dơi ma gay tông ôh.

Yorlah lĕ rngôch ndơ ma nuih n'hâm, nđơr ŭch gŭ kâp ma nau tâm mpơl phung Kon Brah Ndu.

Yorlah he gĭt lĕ rngôch ndơ rhăk njêng rđêng da dê jêh ri ji kruăt tât ta nar aơ