Popular Bible Verses from Rôm 4

Share

Păng mâu ăn ma nuih n'hâm mâu chroh ƀư ma păng vĭ vĕ ma nau Brah Ndu ton, ƀiălah lơ ktang lơn tâm nau chroh jêh ri tâm rnê Brah Ndu, păng chroh moh n'hêl nanê̆ Brah Ndu geh nau dơi gay ma ăn tât lĕ nau Păng ton jêh.

nâm bu geh nau hŏ nchih jêh: “Gâp hŏ ndâk jêh may jêng mbơ̆ ma âk phung ndŭl mpôl.” Tanăp Brah Ndu, Nơm păng chroh jêh, jêng Nơm ăn nau rêh ma phung khĭt, jêh ri kuăl lĕ ndơ mâu geh tâm ban ma hŏ geh jêh.

Bu jao Păng ma nau mhĭk yor nau tih he, jêh ri Păng hŏ ăn dâk rêh tay jêh gay ma he dơi kơp sŏng srăng.

Păng kâp gân nđâp tơlah mâu hôm geh nau gay ma kâp gân; păng ăt chroh jêh ri plơ̆ jêng mbơ̆ ma âk phung ndŭl mpôl, tĭng nâm nau ngơi jêh ma păng pô aơ: “Noi deh may mra kơt nĕ.”

Pônây, yor ma nau chroh rĭ dĭng nau ton bơh nau yô̆ dơi mât mray ma lĕ noi deh Y-Abraham, mâu di ôh knŏng ma noi deh tâm dâng nau dơi nau vay, ƀiălah nđâp ma lĕ noi deh geh nau chroh Y-Abraham, ăt jêng chô yau lĕ rngôch he

“Ueh maak ngăn ma bunuyh geh nau yô̆ an ma nau tih păng, Nau tih dơi nkŭm brôi an jêh! Ueh maak ngăn ma bunuyh Kôranh Brah mâu kơp nau tih păng ôh!”

Yorlah moh lah tâm Nau Brah Ndu Ngơi? “Y-Abraham chroh ma Brah Ndu, jêh ri tă bơh nĕ păng dơi kơp jêng sŏng srăng jêh.”