Popular Bible Verses from Rôm 2

Share

Hơi bunuyh ri, nôk may phat dôih bunuyh êng ƀư lĕ nau pônây ƀiălah may ăt ƀư tâm ban, may mĭn may mra klaih bơh nau Brah Ndu phat dôih hĕ? Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Pônây, hơi bunuyh ri, nđâp tơlah mbu moh may jêng kđôi, tơlah may phat dôih bunuyh êng, may mâu dơi koh dŏng may nơm; yorlah dôl may phat dôih khân păng, may tâm rmal may nơm yơh, yorlah may phat dôih bu ƀiălah may ƀư tâm ban ma bu đŏng.

Yorlah Brah Ndu mâu gŭ du ding ma bu ôh.

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

yorlah păng mra mplơ̆ ma ăp nơm tĭng nâm kan khân păng ƀư.

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl