Popular Bible Verses from Rôm 12

Share

Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

Lơi ăn nau mhĭk dơi đah may, ƀiălah ăn nau ueh dơi đah nau mhĭk.

Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Tơlah dơi, ăn lĕ nuih n'hâm gŭ rêh đăp mpăn ndrel ma lĕ rngôch bunuyh.

Hơi phung oh nâu gâp rŏng ơi, Lơi ta khân may lơi plơng bu, ƀiălah ăn ma nau Brah Ndu ji nuih; yorlah geh nau Kôranh Brah lah jêh: “Nau plơng bôk jêng nau Gâp. Gâp mra plơng bôk.”

Duh nđơr hom, lơi ƀlao ôh; ăn geh n'hâm suan mĭn gơih nđơr; pah kan hom ma Kôranh Brah.

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

Lơi sŏk nau mhĭk mplơ̆ nau mhĭk ma bu; gơih mĭn hom ƀư nau ueh tanăp lĕ rngôch bunuyh.

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Ƀiălah, “tơlah phung rlăng đah khân may ji ngot, ăn khân păng sông sa; tơlah khân păng ji hir, ăn khân păng nhêt; yorlah dôl ƀư pônây, tâm ban ma khân may n'gân sa ônh rnga ta klơ bôk khân păng.”

Ăn hom nau ueh uĭn ma mbu nơm nhŭp kât khân may; ăn hom nau ueh uĭn, lơi rak rtăp. Maak hom đah phung maak, nhĭm đah phung nhĭm.

Ăn hom nau ueh ma phung kloh ueh, ndơ khân păng pưt, ăn blau vơt rom bu năch.

Tâm ban tâm du săk jăn, he geh âk kô̆ săk jăn, jêh ri lĕ kô̆ săk jăn mâu geh ndrel du nau kan; tâm ban lĕ, he geh âk bunuyh, ƀiălah knŏng jêng du săk jăn tâm Brah Krist; ăp bunuyh tâm he jêng lĕ kô̆ săk jăn ndrăng phung he.