Popular Bible Verses from Kukomboka 30

Share

Nugukema nndema nu kunani kwa maundi ilingaliya kupete mwanganya lelenu, kubanga numpeke kuhagu kati ja womi na kuwa, kati ja mbengale na yaambamba. Ndienu nhagula womi ni ibeleku inu iwesa kutama, anamumpai Bambu Sapanga winu, anamunzowani jwombi nukujongana naku. Ndaba kuhenga hela kulangi mwiiwesa kutama masoba gingi nukutama mu nndema goguwe Bambu Sapanga gojaalagila aseja binu, Abulahamu ni Isaka na Yakobu, kubanga jiitenda kumpeke.”

Ana nzetaki miilu jaka Bambu Sapanga, Sapanga winu, jenumpeke lelenu, kumpala Bambu Sapanga, Sapanga winu, nu kupwata indela yaki nukukamu mihilu yaki, nukukamu malagalaki gaki, ndienu mwiitama nukujonzukeka, najombi Bambu Sapanga, Sapanga winu, jaampengaliya munndema gounzenda kulongosa.

“Lelenu numpeke nhagula kati ja gaamboni na giliya, kati ja womi na kuwa.

Ngahela, ila ibii pambipi na mwanganya, mundomu jinu nu mumioju jinu, nhwesa kujihenga.

Bambu Sapanga, Sapanga winu jaahengila mwanganya ni ibeleku inu mmbiya na mwoju ukujetake ili mumpala jombi kwa mwoju winu woti na loho jinu joti, ili nhwesa kutama.

Bambu Sapanga, Sapanga winu jaahenga mpengiliwa mu kila lemwiihenga, mwiibiya na bana bingi na ng'ombi hingi na matui gingi giipia ilebi. Ndaba jiipala kabee ndaba janhenga majambu gi gajenda sapi ngati ejapala kwaapenge aseja binu

Lakini mioju jii jing'anambuki kutali nu kukana kunzoane, nu kutokule kwiilumbali imong'umong'u yengi nukuitumaki, nepani nuntangasii lelenu kupwaaga mwiitenda kuwa. Ngamwiitami kwa masoba gingi mu nndema gounzenda kutama, gogubii kwii ja losi lwa Yoludani.

“Miilu jenumpeke lelenu ngasejinonwipi kwinu, nu nhwesa kuihenga.

Ngaseibii kunani kwa maundi kwaka Sapanga mbaka mpwaga, ‘Nya jojwilombuka nhanga jutuletila ili tuijoaninya nu kuijetake.’

Wala ngaseibii kwii ju nhanga nkolongu, hata mpwagi, ‘Nya jojwiilombuka nhanga nkolongu jutuletila ili tujoaninya nukujetake.’