Popular Bible Verses from Puu Findi 3

Share

Dighi! A ḅụ́pọ́ ḅụ sẹ sị gbólom, i pụghọ náa sị ḅụ́pọ́ findi i pịrịḅọ fịnịfịnị, a n ḅọ warị sọḅobẹm sị n ḅọ na nyẹ́fịị, nḅọ sọ irị na nyẹ́fịbẹm.

A ọmịna mịẹnyẹ nimim, a nimim ḅẹẹ ọmịnị oḅúghúgha anịgha ọfịrịịgha! A bibẹm ọ ḅọ́rọ́ ọfịrịị anịgha oḅughu. Kụ́ma ọmịnị ngaringarim gosi, ọmịnị ọfịrịịgha ọ pịghị oḅúghúgha a ọmịnị osirosibẹm i bịpịbie!

<<A ḅẹlẹmaapụ gonyẹ́ gonyẹ́ a igani n pịrịm pịghị n fomu. Anịgosi ịnyọsua sị pịghịị ọmịna sii ḅụ

A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.

<<Sọ́ḅa ḅọ anịị a kụrọ pa pịrịbẹḅọ sị nḅọ irị na kpọrọfịnị ị́yẹ́ imine ọ́gọ́nọ. A Sọ́ḅa ḅara sị i Daa na ori imine ọ́gọ́nọ kpọrọfịnịị.

Ọ ḅẹm ḅẹẹ, <Ọmịnị igbii nyanam; ọmịnị ngọ kọmam, ọ dọghụnyẹ gonyẹ́ gonyẹ́ nyánámam!> Kụ́ma o nimigha ọmịna duma galagala ḅara na pịghị nnị ọ dighi ḅụ́jịrịrị ḅara! Ọmịnị igónyim, ọ papa ḅụ ḅụ imii, ọ tọ́rụ́ pịghị pụụm.

Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.

<<A álála ḅoarị, ibima ị nyánányẹ ma ọlọ warịị gbẹ́rẹ́ḅọ sọ ị́yẹ́ ogunu ákịbịgha ḅara.

Saghị sẹ! Ịnyọ pa kọnyẹ́ ma ḅụ sua anị fịịfamabịgha ḅara. Ḅẹẹ a arịḅom ḅẹ́ ọ nwángịmáa fịrị ma na káaragha ị Tamuno tórúku.