Popular Bible Verses from Puu Findi 13

Share

Mịma níminyẹ biim. Nyẹ́nimiḅọ gonyẹ́ gonyẹ́ ine ḅáláfama nama ma ẹ́rẹ́ ma sẹ́pịrịnyẹ dọghụ pághámaḅobẹm, ḅẹẹ anị sẹ tumḅọ ẹrẹ pịrịm. Anị kịẹnyẹ anịị ndẹ́ẹ oyia si findi na ini fa tẹ́rẹ́ si oyi findi (666).

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Ḅáláfáma nama ma kụrọ pa mịẹm sị túminị́ gonyẹ́ gonyẹ́, káláapụ na opuapụ, áláápụ́ na siminiapụ ómóniapụ na furoawọ ilíghíma nyáná nna amaḅara anịgha nna fụ́ḅára ogbo ḅụ. Mịị ilíghíma ma nyánághaḅọ gonyẹ́ gonyẹ́ nnị mini nḅọ pịrịgha nḅọ nyẹ fẹ́ anịgha ine nyẹ dẹ́rị, mịị ilíghíma ma anịị ḅáláfama nama ma ẹrẹ anịgha sẹ anị ẹrẹ ma pịrị kịẹnyẹ.

<<Nnị kuunaiḅiḅọ gonyẹ́ gonyẹ́ anịị n kuu bẹḅọ; Nnị áláápụ́-ágidi pa ḅaanaibiapụ gonyẹ́ gonyẹ́ nnị áláápụ́-ágidi pa n ḅaabẹm. Mịma biiarị ḅẹ́ Tamuno túminị́ ngịrịma na, minini nyánáa.>>

Anịsáa a ḅáláfama nama arịm tọ́rụ́ ma bie sághị iwóo ḅoarị nyẹ. Anị oyia ikpangi nyánam na sọ́nọ́ma sịbị, ikpangi gonyẹ́ gonyẹ́ ḅụ ogunu imii, anị sịbị gonyẹ́ gonyẹ́ ḅụ anị ẹ́rẹ́ nyánam Tamuno dughosimaarị nyẹ.

Nnị anị warisom sị anị owu pa Tamuno túminị́ págháma sị n sọ́ḅa n pịghị kụrọ pa anị pịrịm túminị́ ọrụ ọrụ ọrụ ḅụ, sẹ́ sẹ́ sẹ́ ḅụ, ẹ́gẹ́rẹ́ ḅẹlẹ ḅụ na túminị́ tọ́rụ́kịrịkị́rị́.

Anị oḅori pa tuminikiri ngáarịapụ mamgba siim anịị, nnị anị wáriso si anị nwángịarị ḅụ́gbérépuma fịrị ma gosi, parị ḅáláfama nama ma tórúku. O dugho n pịrịm ḅẹẹ nnị n tẹ́mẹ́nyẹ mịẹ sẹ maá, pa nyẹ láa ḅáláfama nama ma pa biekóróma bẹnyẹ mịẹ. Nnị áláápụ́-ágidi pa nyẹ́ pa anị lama nyẹ sị pa dumafịnị nyẹ. Nnị mmẹẹ́ kárámá ḅáláfama nama ma warisom sị anị duma ịnyọ pa n tẹ́mẹ́ warị parị ḅáláfama nama ma pịrị sị anị ine ẹ́gẹ́rẹm sị pịghị mini susi anị pịrịghaapụ mamgba ḅá.

Mịị ḅáláfama nama ma anị sị́rị kịkam, anị ḅụọ bear pa si nama ḅụọ kịkam anị bịpị ọkụ nama bịpị kịkam. Ḅụọ nyáná ododó ma anị ịnyọ na anị imine na anị mánámāná kụrọ pa ḅáláfama nama ma pịrịm.

Nnị ḅáláfama nama ma warisom sị anị Tamuno dughosima, opuamịẹnyẹ ẹ́gẹ́rẹ́kọọ, n pịghị anị warisom sị anị akalụ́ a mmẹẹ́ si na mmẹẹ́ akalụ́ pa kụrọ nyáná.

Ḅáláfáma nama ma, sọ́ḅọ́rọ́ nyẹ opuma anị gbẹ́rẹ́ sịbị laam, kụ́ma anị ḅo gwọmam. Tuminikiri gbọrụ tọ́rụ́ ḅo bulubulum sị n warị ḅáláfama nama ma dua.

Anịsáa a jẹ́ ḅáláfama nama arịm tuminikiri sághị págháḅo nyẹ. Anị mmẹẹ́ a ikpangi nyanam sọ́ḅọ́rọ́ ánáná tụwọ, anị warị ḅụọ nyáná ododó ma ḅara pa ẹ́gẹ́rẹ́kọọ. Anị parị ngá ḅáláfama nama ma mánámāná kụrọ pa fịrịnwangịm, parị ḅáláfama nama ma tórúku. Anị kụrọ ḅara pa mịẹm sị tuminikiri na anị bie fịnịapụ mamgba susi parị ḅáláfama nama ma pịrịị, fịịfịịḅara pa anị láanyẹ ma gwọmáa nyẹ.