Popular Bible Verses from Hiburuapụ 9

Share

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

N tọ́ọ wárịmam ḅẹẹ ọ́rụ́ḅọ ọ́rụ́ḅọ gbẹ́rẹ́sa pa fị́ị́bẹm, anịsa ma ḅọ́rọ́maẹrẹ, nḅọ Tamuno ḅẹ́rẹ́kọ siri daa.

Karakáráma, ólóghó ma dua, nyẹ gonyẹ́ gonyẹ́ ọmbịnyẹ́ anị n pa anị siri fịafịamarịnyẹ, nnị ọmbịnyẹ́ osugha osugha tumḅọ ine siiḅụḅarasi nyánábịgha.

Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.