Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị. Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.