Popular Bible Verses from Galesiaapụ 5

Share

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā, ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori.

A dughoarị nyẹ ma mịị anị: Tẹ́mẹ́ ma wáriso sị anị ḅẹrẹtọ ị pịrị, anị sáá, ọmịnị ọmịna ojumẹnị ma dọghụ sii duma mịẹnyẹ ma mịẹbịghaa.

Tẹ́mẹ́ ma duma pa wa pịrịmam anịgo wámịnị ọ wáriso ọ wámịna duma bie ḅẹrẹtọ.

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Siiamịẹnyẹ ojumẹnị ma nwángịarị fịrị kị́nị́mamgba arịarị, mịị anị: yáakuu ḅụ ofori nwángị kọọ, ịlọ́lị duma, obiri ḅara pa nyẹ mịẹ, susi n kara nyẹ pịrị, diri kọrị, kị́nị́ pa ị́yẹ́ iruonaḅọ mịẹ, kamkoro, jughonyẹ mọnị, owi tẹ́mẹ́, ịḅụ ibi ngéré dọghụ, puama dighi kubiri ogbo, ogbo kaa ḅẹlẹma. Tọ́rụ akụ, iru ḅụ tọ́rụ́ḅáma, iru ḅụ na sẹfị duma ḅẹlẹma, na anị na kịkamanyẹ. A o biri nụ́nụ́m, parị a o biri nụ́nụ́máa ḅárá ḅẹ́ mịnanyẹ ma mịẹarịapụ Tamuno amadakiri ma ḅụ diekiri nyánábịgha.

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Siiamịẹnyẹ ojumẹnị dọghụnyẹ kịrịm Tẹ́mẹ́ ma dọghụarị nyẹ ḅụ, Tẹ́mẹ́ ma dọghụnyẹ pịghị kịrịm siiamịẹnyẹ ojumẹnị ma ḅụ. Mịná mmẹapụ ma iruonaapụ ḅụ imim, anịgosi ị́ ine ị mịẹ na ibinyẹ mịẹgha.

Ólóghó mamgba gbẹ́rẹ́nyẹ dughoarị, <<I jẹa tumḅọ ḅẹlẹma ị́ ịḅụ ḅẹlẹma ḅara.>>

Wamịnị opuamịẹnyẹ mịẹma anịgha jụghọ jụghọ igani ma anịgha jụghọ nyẹ mọnị.

Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.