Popular Bible Verses from Galesiaapụ 2

Share

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

A Tamuno tọ́rụ́kụrụkụ́rụ́ sịghịghaa, ḅọ́rọ́ tumḅọ ḅo Tamuno na karakárá ḅụ fịnị ólóghó ma ḅụ ḅọ́rọ́, mịma dughoarị ḅẹ́ Krais papa fịịm!

Karakárányẹ ḅụ, wamịnị nnị wa yiim Juuapụ, <<Siiamịẹnyẹ Juughaapụgha.>> Anịsọ wa nimim ḅẹ́ tumḅọ ḅo Tamuno na karakárá ḅụ fịnịm, anị tumḅọ ma Krais ḅụ nyáná minini ḅụ ḅọ́rọ́, ólóghó ma dughonyẹ mịẹgha ḅụ. Wamịnị sọ Krais Jizọs ḅụ mininimam sị nnị wa pa Tamuno na karakárá ḅụ warị, Krais Jizọs ḅụ wa nyáná minini ḅụ ḅọ́rọ́, ólóghó ma dughonyẹ mịẹgha ḅụ. Ḅẹ́ nnị ólóghó ma ngéré dughonyẹ mịẹarịḅọ pa Tamuno na karakárá ḅụ warịbịgha.