Popular Bible Verses from 2 Kọrịntịapụ 3

Share

Mị́sa <<Kị́nị́nyánáḅọ ma>> ori anịị Tẹ́mẹ́ ma, Kịnịyánáḅọ Tẹ́mẹ́ ma fịnị angaá gonyẹ́ gonyẹ́ asọ pụ́ma nyẹ oforiofori.

Wamịnị kị́nị́mamgba tórúku gbẹ́gha pa Kị́nị́nyánáḅọ ipine ma arịm anị bia wámịna tọ́rụ́bie sọọ ḅara, wa pịghị dima dima si pịghị okịkaarị ḅara, sámámgba ḅụ sẹnịarị ipine Kị́nị́nyánáḅọ ḅara saghị ḅo nyẹ ori anịị Tẹ́mẹ́ ma.

Kụ́ma tumḅọ amịna sii ḅụ pịghị sị Kị́nị́nyánáḅọ ma dua sa, tórúku gbẹ́ẹ̄ bịtẹ ma nnị anị nụ́nụ́siim.

Wámịna ḅụbie ḅẹnyẹ ḅẹnyẹ ofori, mịẹsị wa go ine dughoarịnyẹ ḅẹẹ, wa ine mị fịrị ma nwángịbẹm. Wa nyáná ịnyọ ma Tamuno ḅara anị́ị́ anị sághị ḅo nyẹ. Ori anị wa mịẹ kụrọma sị wamịnị ine fịrịnwangị ịwọ ọ ḅoo ma pịrịnyẹ, mị ịwọ ọḅọọ ma, anịị n gịẹ kóróma ịwọ ólóghó nyánágha, kụ́ma Tẹ́mẹ́ ma angaánye, n gịẹ kóróma ólóghó ma, fịị dighiḅom; kụ́ma Tẹ́mẹ́ ma duma pịrịm.