Popular Bible Verses from 1 Tẹsalonaikaapụ 4

Share

Wamịnị dumafịnịapụ ma, anịsáa ma ḅụ n wamịnị na n nana kobirịbẹm so tọ́rụ́, sị wa mú Kị́nị́nyánáḅọ ma na dona fọ́rụ ma bie. Anịị wa Kị́nị́nyánáḅọ ma na fịnị bẹ ḅara mú gbámásó láa.

Kị́nị́nyánáḅọ ma sobie sághị kóróḅobẹm kụrọ owupugho pa, sookumuḅọ ma sịbịdáḅọ pụghọ pa, Tamuno ọdụ ofúrobẹm. Anịsáa, Krais ḅụ minini sị fịịmaapụ ma tarị saghịbẹm.

Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma. Ọmịna ḅụ gbẹ́rẹ́ḅọ gbẹ́rẹ́ḅọ sọ nimi n ḅọ amịna oju pa duma kọọ bẹ ḅara, tọ́ntọ́ ḅụ na pịghị kuu nyáná ḅara ḅụ

Wa mininim ḅẹ́ Jizọs Krais fịịm pịghị fịị ḅụ saghị anịgo wa mininim ḅẹ́ Tamuno n nụ́nụ́ ọ ḅụ pịrịbẹm nnị na Jizọs na, anịị Krais ḅụ minini sị fịịmaapụ.

Pa ọmịna fịrị mịẹ ḅẹ ọ diin duma kọọm, tọ́rụ́ pa jẹ́apụ nyẹ bie suama, ọmịnị ọmịna ḅara pa fịrịnwangị ọ ḅụ pịrị, wa parị dugho ọ pịrị ḅara.

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.