Popular Bible Verses from Matiu 16

Share

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

I gha viọ isanhẹn Arriọba ẹrinmwi nuẹn, emwi ne u wẹ ne a ghẹ ru vbe agbọn, a wẹ ne a ghẹ ru ẹe vbe ẹrinmwi. Emwi ne u wẹ ne a ru vbe agbọn, a wẹ ne a ru ẹe vbe ẹrinmwi.”

Rhunmwuda, ọmwa ne ọ ho ne ọ sinmwi orhiọn rẹn gha muẹn fua, sokpan ọmwa ne ọ rhunmwuda mwẹ mu orhiọn rẹn fua, ọ gha miẹn ọẹn.

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Ọ nọ iran wẹẹ, “Wa tobọ uwa vboo? De omwa ne uwa roro ighe me khin?” Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.