Popular Bible Verses from Levitikọs 26

Share

“Mẹ gha re Osanobua uwa, wa ghi vbe gha re emwa mwẹ.

I gha gie amẹ gie uwa vbe ẹghẹ ne ọ khẹ ke, vbene otọ gha na gha ma emwiokọ, avbe erhan ghi vbe gha mọ ọmọ.

“Deghẹ wa rhie owẹ lele uhi mwẹ wa na vbe gha ya ilele mwẹ ru emwi.

“I gha rhie ọfumwegbe ne uwa vbe otọ rua, wa ghi vbe gha vbiẹ vbe ne uwa i na fian afianma, I gha fuẹn avbe aranmwẹ dan ni rre otọe nii, okuo i ghi ra vbe gha rrọọ vbe evba.

I gha fiangbe uwa, I ghi vbe viọ emọ ni bun ne uwa, I ghi mu e nọkanmwasẹ vbe ile ne ima gba ta sẹ.

Mẹ ne Nọyaẹnmwa Osanobua rua ọ re ọ viọ uwa ke Igipt ladian ne uwa ghẹ ghi gha re eviẹn ọvbehe. I guọghọ ẹtin ne ọ te de uwa ginna otọ, I na gie uwa gha khian vbe ne uwa na tọn uhunmwu uwa mu ẹsẹse.”

I gha gu uwa yin vbe uwu Owa Ukpọn mwẹ ne ọ huanrẹn, ẹmwẹ uwa i ra vbe khan mwẹ.

E Nọyaẹnmwa keghi kha wẹẹ, “Ghẹ ma amazẹ ra ama ọmwa, ọ re okuta ra okuta na a kare, ne uwa gha gae. Mẹ ọ re Nọyaẹnmwa Osanobua rua.

Emwiorhọ rua gha bun sẹrriọ wẹ, ọ gha gbe ukpo ohoho, a ghi vbe miẹn wẹ te uwa ghi kpolo ni dekẹe vbe ne uwa ka rhọ kua, ne uwa miẹn ehe na rhie otọ ne ne uwa da rhọ.

Isẹn vbe uwu uwa gha sẹtin khọn arhin iyisẹn, iyisẹn gha sẹtin khọn arriaisẹn igbe (10,000).

Emwiokọ rua gha bun sẹrriọ wẹ, ọka wa gha ye gha fian vbe ọ sẹ ẹghẹ ne a ya kpẹn iyan, wa ghi ye gha kpẹn iyan vbe ọ sẹ ẹghẹ ne a ya fian igbin. Wa gha mwẹ evbare ne uwa ho ne uwa re hia, wa ghi vbe gha rri ọe vbe ne ẹ i na mwẹ ẹbe vbe otọe rua.

Wa gha khọn avbe eghian uwa hia muotọ.

Wa gha ru avbe emwiukpo ugamwẹ nii, wa ghi vbe ya ọghọ ne Owa Ukpọn mwẹ ne ọ huanrẹn. Mẹ ọre Nọyaẹnmwa.