Popular Bible Verses from Markus 13

Share

Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Bɛ jǝ́ nyǝm! Bɛ jǝ́ yɨ nǝn fɛkalɨ! Jʊ a bwɨɨ mɨ nǝn nʊ nɨ a nyǝm kwamagɔ jǝbɔ kemʌnɔ jʊ nɨ bwɨm lɛɨ.

Na ja ta jen ja yɔ nǝn jen a kan borangɨ, ka jǝ́ kom lɛ dul jenɔ jengɔ n wɛ jǝ́ gar jim lɛɨ, gwam jʊ nɨ Kwaama a nʊng jeni n jʊ jǝ́ sʊwa lɛ a kwama gɨɨ. N ke bɔ jen jǝ́ gar kɛlɔ lɛɨ, n Yʊwa Kwaamaɨ gar lɛɨ.

Dʌbʌlɔ jǝbɔ tǝmɔ dɨ dɨ. Kɛl mǝndɨ mɨsɔ dɨ lɛ wo.

“Mɨ nǝn nʊ nɨ a nyǝm kumɔ jǝbɔ kemʌnɔ jʊ nɨ bwɨm lɛɨ. Bɛtɔ twama Kwaamaɨ a dʌbʌli, jǝbɔ Bʊlagɔ ja nyǝm bɔ. Nǝn Tɨyagɔ kwaagɔ win a nyǝmɨ.

Na jǝ́ nyʊwa kɛl tatǝm kun jǝbɔ fulon kuni, ka jǝ́ nyʊwa lɛ taal. Kanjǝl nɨ bwɨ bwɨ nyɔ, dɨltǝmɔ lǝga bɔ a la dɨn.

“Gǝ na nyɔ jǝ́ yɨɨ nǝn fɛkalɨ. Jǝ́ nyǝm bɔ kwama nɨ tɛlalɔngɔ bɛm lɛɨ. Kɛna bɛ nǝn kwama kwalɨ jangagɔ a ma kamɨɨ, kɛna bɛ nǝn kwaamɨɨ, kɛna bɛ nǝn sangdɨlangɨ, kɛna bɛ nǝn kumsʌli. Jǝ́ yɨ nǝn fɛkalɨ kage ba nya jen mɨ jen nǝn fɛkalɨ, jǝ́ daa dum lɛ. Jʊ nɨ mǝ sʊwa lɛɨ, mǝ sʊwa jen gwam, ‘Bɛ jǝ́ yɨɨ nǝn fɛkalɨ!’ ”

Bǝlǝntǝmɔ tabka tabka kun. Fɔlɔntɨnɔ gabka gabka kɨlan. Jǝ maa maa jʊwan bwɨla jǝbɔ mǝgatǝm tǝm a daatɨnɔ gǝm a lada. Wʊnɨ nǝn gɔ tǝltǝm gaalanɔ dɨnɨ.

Dɨltǝm tǝmɔ mɨsɔ bwɨ lɛ, na ja kiyo bɔ bǝlǝntǝmɔ gǝm gwam fulon kɛl lǝmɨgɨɨ.

Nǝbɔ a lada na bɛ lɛ a mʊgɔ dun mɨɨ, sʊwa lɛ gɔ, ‘Mǝ nǝn gɔ.’ Jǝ swag swag nǝbɔ a lada.

“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin.

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

“A kwama gaalan nɨ bɛm lɛ ba shui, “ ‘Nu kwamagɔ mɨsɔ fulo lɛ. Bwaalagɔ tǝgǝn mɨsɔ fulo lɛ. Nyanyamɨtɨnɔ jǝ gǝlala a dʌbʌl kwama sǝ ja tǝla. Jǝ mǝg mǝg kanjǝl dʊʊntɨn nɨ a dʌbʌl kwamaɨ.’