Popular Bible Verses from प्रकाशितवाक्य 3

Share

ङेख, मैं दरवाजे उपर भिले रेहती कर खड़कावे। अगर कुई माई अवाज सुणती कर दरवाजे खोले तां मैं ओचे गोढु भीतर आती कर ओचे लारे खाणे खई, ते ऊं माये लारे।

मैं दुधे कामा नु जाणे कि ना तां तु ठाडा छी ते ना गर्म, भले हुवीया कि तु ठाडा जा गर्म हुवीया। ऐवास्ते कि तु गुनगुना छी, ते ना ठाडा छी ते ना गर्म, मैं तनु आपणे मुँहा महु उग़लणे पर छै।

मैं जाये-जाये लारे प्रेम करे, वां सारा नु उलाहणा ते धमकाती ङिये। ऐवास्ते जोशिले हुते जावा ते मन फिरावा।

मैं दुधे कामा नु जाणे, ङेख, मैं दुधे सामणे हेक दरवाजे खोड़ले आले छै, जानु कुई बन्द ना कर सग़ी, दुधी सामर्थ थोड़ी जी तां छै, बल्ति वी तु माये वचना चा पालन करला ते माये नांवा चा इन्कार कोनी करला।

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।

तु जको किही ‘मैं, धन्‍नी छै, ते धनवान हुती गेला, ते मनु कुई चीजी ची कमी कोनी।’ ते ईं ना जाणी कि बेकिस्मता ते तोच्छ ते कंगाल ते अन्धा ते उघाड़ा छी।

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।

मैं जल्दी ही आणे आला छै, जको कोच्छ दुधे गोढु छै विनु थामली रेह कि कुई दुधा मुग़ट खोसती ना गिहो।

सुज़ाक हो ते वां चीजा नु जको बाकि रेहती गेलीया, ते जको मिटणे उपर छी वानु मजबूत कर, कांकि मैं दुधे कुई कामा नु आपणे नरीकारा चे गोढु पुरे कोनी ङेखले।