Popular Bible Verses from याकूब 1

Share

हे माये भऊ, जिसे बेले तम्ही हर-तरहा ची परीक्षा मां पड़ा तां यिनु पुरी खुशी ची बात समझा, ईं जाणती कर कि तम्चे विश्‍वासा चे परखणे जाणे लारे सब्र पैदा हुवे।

पर तम्चे महु कानु ब़ुध्दि ची घटी हो तां नरीकारा कनु मांगो जको बिना उलाहणा ङिले सारा नु उदारता लारे ङिये, ते ओनु ङिली जई।

हे माये प्यारे भऊ, हा बात तम्ही जाणती गिहा। हर हेक बन्दे सुणने वास्ते तियार, ते ब़ोलणे वास्ते मठे, ते क्रोधा मां मधम हो

पर सब्रा नु आपणे पुरे काम करु ङिया, कि तम्ही पुरे ते सेद्ध हुती जावा ते तम्चे मां कुई बाते ची घटी ना रिहो।

पर वचना उपर चलणे आले बणा, ते सेर्फ सुणने आले ही ना जको आपणे आप नु धोक्‍का ङी।

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

कांकि हर हेक आच्छा वरदान ते हर हेक आच्छा दान उपर कनु ही छै, ते हा ओ परम ब़ा जेह्णे स्वर्ग़ीय सोज़ले नु पैदा करले जाये मां ना तां कुई बदलाव हो सग़े ते ना अदला बदली ची वजह कनु ओचे उपर छां पड़े।

कांकि जको वचना नु सुणने आले हो, ते ओचे उपर चलणे आले ना हो, तां ओह ओ बन्दे आलीकर छै जको आपणे सुभाविक मुँह शीशे मां ङेखे। ऐवास्ते कि ओ आपणे आप नु ङेखती कर चाह्‍ला जाये ते तुरन्त भूलती जाये कि, “मैं किसड़ा हुता?”

अम्चे नरीकार ते ब़ा चे गोढु शोद्ध ते सुथरी भग़ती हा छै कि छिन्‍नेछोरा ते बांढीया चे क्लेशा मां वांची सुधि गिहो, ते आपणे आप नु संसारा कनु बेदाग राखो।

जिसे बेले काई परीक्षा हो, तां ऊं यूं ना किहो कि, “माई परीक्षा नरीकारा चे तरफु हुवे।” कांकि ना तां बुरीया बाता लारे नरीकारा ची परीक्षा हो सग़े, ते ना ओ काई परीक्षा आप करे। पर हर हेक इन्सान आपणी ही अभिलाषा लारे छिकीती कर ते फसती कर परीक्षा मां पड़ती जाये।

गरीब भऊ आपणे ऊंचे पद्द चे उपर घमण्ड करो।