Popular Bible Verses from 1 कुरिन्थियां 15

Share

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

पर नरीकारा चा धन्यवाद हो, जको अम्चे प्रभु ईशु मसीह चे जरिये अम्हानु जयवन्त करे।

धोक्‍के मां ना रिहा। बुरी संगति आच्छे चरित्र नु बिगाड़ती ङिये।

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

हे मौत दुधी जय किठे रेहली? हे मौत दुधा ङंग किठे रेहला?” मौत चा ङंग पाप छै, ते पाप ची ताकत व्यवस्था छै।

ङेखा, मैं तम्हानु भेद ची बात किहे पला, कि अम्ही सारे तां नी मरु, पर अम्चा सारा चा रुप बदलती जई। ते ईं पल भर मां, पलक झपकते ही आखरी तुरही बजी। जिंवे ही आखरी तुरही ची अवाज हुवी मरले आले अविनाशी दशा मां जीते करले जाये ते अम्चा रुप बदलती जई।

कांकि जब हेके इन्साना चे जरिये मौत आली, तां हेके इन्साना चे जरिये ही मरले आला चा पुनरुत्थान वी आला ते जिंवे आदम मां सब मरी, यूंही मसीह मां सब जिवाले जाये

कांकि जरुरी छै, वा नाशवान देह अविनाशी नु धारण करो ते हा मरणहार देह अमरता नु धारण करती गिही।

ईं जरुरी छै कि ओ ओस बेले तक राज़ करो जब तक ओ आपणे सारे दुश्मना नु आपणे अधीन ना करती गिहो। जिसे दुश्मना नु सबकनु अन्त मां नाश करले जई, वा मौत छै।