Popular Bible Verses from 1 कुरिन्थियां 12

Share

सब ची भलाई करने वास्ते हर-हेक नु पवित्र आत्मा चा वरदान ङिला जाये।

यूं करती तम्ही सारे मिलती कर मसीह चे शरीर छिवा तम्चे महु हर हेक ऐ शरीरा चे अंग छिवा।

ऐवास्ते अगर हेके अंगा नु ङोख आवे तां ओचे लारे सारे अंग नु ङोख हुवे। अगर हेके अंग ची बढ़ाई हुवे तां ओचे लारे सारे अंग खुशी मनावी।

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता। ते कानु वेही आत्मा लारे विश्‍वास ते कानु वेही हेक आत्मा लारे चंगाई करने चा वरदान ङिला जाये। बल्ति कानु सामर्थ चे काम करने ची ताकत ते कानु भविष्यवाणी करने ची ते कानु सब आत्मा ची परख ते कानु कई तरह ची भाषा ते कानु भाषा चा मतलब बावड़ना।

पर ये सारे काम ओही हेक पवित्र आत्मा करवावे ते जानु जको चाहवे ओ बांटती ङिये।

कि शरीरा मां कुई फूट ना पड़ो, पर हर अंग हेके ङुजे चा ध्यान राखो।

वरदान तां कई तरह चे छी, पर छी हेको ही पवित्र आत्मा चे। ते सेवा वी कई तरह ची छै, पर प्रभु हेको ही छै। ते सेवा मां काम कई तरह चे छी, पर सब मां काम करने आला नरीकार हेको ही छै।

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

ऐवास्ते कि शरीरा मां हेक ही अंग कोनी पर ब़ोहत सारे अंग छी।

पर शरीरा चे अंग जको नेरा कनु कमजोर ङिसी, वे ब़ोहत ही जरुरी छी।

सारे शरीर आंख ही हुवीया, तां सुणने किठु हुवीया? अगर सारे शरीर कान हुवीया, तां सूंघणे किठु हुवीया? पर सच्‍चमां नरीकारा ने अंगा नु आपणी इच्छा चे अनुसार हेक-हेक करती शरीरा मां राखले। अगर वे सब हेक ही अंग हुवीया, तां शरीर ना हुवीया।