Popular Bible Verses from Romains 16

Share

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô.

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego. Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga. Tôkumédéni Nzambé, Kumu éodo na ôndômbee wetso, gô ina aJésus-Christ, môbô na môbô, amen.