Popular Bible Verses from Gétsutsuéô 6

Share

Namabono. Nameena cheval émabaka ôtôe na sabé g’eweyi. One amadigaaka gô yangô, inedi te ôwa. Amaandôkô va ngimedi na ône atômaka gô tsengene éane amawani. Ameetsô ôtômu gôéyôhéda oma agô vikabô viatsinane na mabaga, na nzaa, na mabeea, na nyama yadibaaga yava tsina. Vikabô vikegea mbe, gôndé oma anayi, amayôha te môvô.

Me Jean namabono. Nameena nyama étsua môma ééndô mbe cheval. Chevale nene te éavembo. One amabaka digaa gô yangô amasumbéda gééta. Ameetsô gépôkôdô sokumaka. Amabaka amadiia gô ébadie émagenyuni na amoomba ékea gôéomba édiia.

Na vane Môpaga ômapaba môkatékôe amôtayi. Nameena gévumbéô sadigondoku. Gô tsina agévumbéôge nameena édidie éane amayôhuni ameekéda Tsangô Eamôsôba éaNzambé na amadigaa na mavôma gô mane maJésus.

Ahmaamugana mbe: ?Kumu eetsimama, na éwe Kumu apie, ôngeenea pitsi diké gôétsundéda asi tsengene, ayôhyie wasô¿ Ongeetsa ahngô tsôgôô nyaa ndé? Ahmeetsô môvô môvô môkanda avembo na ameenda ahngô mbe: Ombani édunda vipesu. Eeneakani ana aTétee n’anyô te akanyô ane amabaka n’anyô gôéékéda mbe na ahngô ahngayôhu gamayôhu anye. Otangôe wanyô madeo ôsiduga.

Na vane gômaviga épo cheval atsoo. One amabaka digaa gô yangô ameetsô ényanga gôétuba mabadi gô tsengeye yetso yagô tsina gômbe oma angayôhana anguene n’anguene. Ameetsô ébaga évôni.

Nyee opisa ôbuéyi. ?One angookékôani indaa?

Me Jean nameena Môpaga ômapaba môkatékôe amôtôba. Na tsinane ématatéa pepe. Kômbéne émakoga na nzue gandé môkanda eebundi. Ngondene émakoga éka na tsoo ga nzina. Minangamie miag’ôba mimaaga na gô tsina gaaga miônda misiombéni miaagédu na gékunga gévôni.

Vane Môpaga ômapaba môkatékôe amôtatô. Namookô sôma gévégumani samôtatô gémabambéa mbe: Viga. Namabono na nameena cheval éanzue. One amabaka digaa gô yangô amasumbéda môdodu g’ôgogo edi. Namookô ga ôgi ômaviga va gatse eoma énayi évégumani ômavovo mbe: Mipaa mitatô miookondo misômbu na dode diyanzô môsaa amôbongo. Tsanga dibaé disômbu na dode diyanzô môsaa amôbongo. Gôsaba ébégô gô madi na maduku.

Oba ômavutégu na ômakea gatsuaô môahnza ôvutégu na gékunga. Mikôdimie mietso miagô tsenye na nengéye yetso yagô mbéyi, dimanyasô gô tunguye yaô. Kumuye yetso ditôma tsengeye, na atômie, na tsesuye yagô mabadi, na ékitie, n’oma amanyanga, n’oma muetso béyé mbe ane andé g’ôvéga, béyé mbe n’ane asaba g’ôvéga, muetso ahmakea gôésomo gô didima na gô tsina adibobo yagô mikôdi.