Popular Bible Verses from Philippiens 4

Share

Nômbiakebangana ta n’ebégôe. Ivô gô mabégô metso vovoni na Nzambé gôémôduka éne égômbéô anye. Vovoni n’edi na mitéma miagéneega na kuma.

Vane gétabé saNzambé, géne géôtéa pepe gétabé gémenya môma, génganôsuméda mitémamie na génganôsipéda édidie gôndé Jésus‐Christ.

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

Me tsadagéô na mabégô mema metso. Nandé gô mangô te gô ngudi yaChrist, ône oodedaka me.

Gô ndéô yetso tsôkéakani gô éne éyanzéa Kumu Jésus wa n’anyô. Noomba énôtôma mbe: Tsôkéakani.

Nzambé, ône akuméda me, anganôétsa mane magômbéô anye mandéké g’ôkitie ôvôni ôkenea angô gô ina aJésus‐Christ g’ôba.

Indakani na ngudi yanyô yetso éne émeekédu anye na éne émeetsô anye na me. Indani dôta éne émookô anye me nanônigôa, na éne émeenanye me neenda. Amuene Nzambé, Kumu agétabé angaba n’anye.

Buedi mbe émenyanganô na muetso gandéké anye gébé na nyemo. Kumu Jésus amahviga n’atsatsee.

Me tsabômu édigaa g’ôsuga. Tsabômu édigaa g’ôkiti. Nameekédu na Nzambé gôéba na môtéma ômasumani agébé na tsama gô tungu yetso na gô ndéô yetso. Nééyee, nabéyee na nzaa. Nangutéyee, tsangutéyee, ésaba ébégô.

Tsavovo nane tsangô mbe nandé gôébuta sôma. Nameekédu na Nzambé mbe nabaké na gényônga nabéyee na sôma, tsabéyee na sôma.