Popular Bible Verses from Philippiens 2

Share

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami. Môma asabuta édugéda éne édagéô amuene étévô, ivô atasé gô éne édagéô môkedi.

Anye bakani na ôtasédie ôndé na amuene Jésus‐Christ.

Bandôa v’ebandô, andéké ényangevo na Nzambé. Ivô asigényôga gôémenyanganô mbe Angô te môvo na Nzambé. Tambô amatsika amuene ényangee émabaka n’edi Na amaasugéda amuene gôéba môvéga. Amabongo gégoni samôma gôédigaa gadigaa môma. Amamana pitsi yedi te andé amaasugédani. Amagobeda Téta ngu na ôwa. Amawa ôwa ôdagani ava gésumu.

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

T’ebandô Nzambé amamôsangéga gôéba gô ngongo amuetso. Na amamôétsa ina éôtéa na miname metso mookanôni. Gômbe gô ina éne éaJésus, asi g’ôba muetso, n’asi tsinane, N’ane andé gô tsenge éane amawani, muetso angasiba mabongome mao. Na yôgi yamongome metso mangakuméda Nzambé nyaa ônganigôa yangô mbe: Jésus te Kumu apie.

Indakani metso mane gébé na mikebanganô na gétsumané paga. Vane nôngaba n’etsimama na nômagôgéani. Nôngamenyanganô mbe ana aNzambé agébé n’oési, nôdigaa va gatse oma abévani adiboe andé gô tsengene. Tanani ga minanga gô tsina evitsi.

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.