Popular Bible Verses from II Pierre 1

Share

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene. Ene étômenyeda divanga yamisôba dipôni dimeetsô wa n’anyô na Nzambé te ôndômbee wedi ne géneega sedi. Tômeetsô sangô na Nzambé te mbe tôngagésangana gô môanga aNzambé te gôtôkumba manyima mabunganani magô tsengene.

Butani gôéba môangovo na Nzambé. Vamapanga, nômeetsa Nzambé mitéma mianyô gémôtsumé paga. Vane gényôgani gôékôndéga éôdo éamôanga amôsôba. Gô éodoe éne kôndégani gôébangôa mane mamisôba. Gô gébangôéôge géne kôndégani gôékina manyima mabévani. Gô gékinéôge géne kôndégani ôbibô. Va ngongo obibôe kôndégani gôénanama na ngaa na Nzambé. Va ngongo éenanama na Nzambé, kôndégani étondo éana aTétee agô mbumu éaNzambé. Va ngongo étondo éana aTétee kôndégani tsôvé oma.

Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.

T’ebandô ana aTétee gényôgani na ngudi gôésipa gômaabéa anye mbeeane émabambéô anye na Nzambé na gô gésevôéôge sedi gémasevou anye. Okô nôénda nane, anye nôsangapônga ta na pesu.