Popular Bible Verses from I Corinthiens 13

Share

Etondo étôdiia gôndé Nzambé étôétsa ngeba. Etondoe éne ényepa na ésamenya ngusu. Na dôta ésaba na nyemo na tsoki. Etondo éndé n’egoba. Esasinga môma ayanza ébégô éngatubéda akedi tsoyi. Etondoe ésaba na matamba na ôpaka. Na ésasinga migianganô. Etondoe ésanyôngéô pigaga gô môtéma.

Okô ôndé n’etondo éaNzambé gô môtémoo ôsangadagéô gôésingéa môkoo kokoo. Na ôsangatsuma môkoo paga gôémôénda mbe: Ewe môpati. Na étondoe éangô étôétsa môténdéda na ôbibô.

Etondoe étôétsô na Nzambé ésatsôkéa mane madagéô muene môma, ivô étsôkéa mane mapie mamuene Nzambé.

Endé te nane. Gôndé mabégô matatô mandé môgunanza. Mangô te gôéba môtémovo na Nzambé gémôtsumé paga, na gôémenya mbe tsoongone yoo te Nzambé na gôédigaa na môtéma ômayôa n’etondo éaNzambé. Na va gatse amangô matatô, éne éôtéani te étondoe éviga gôndé Nzambé.

Etondo émabaka na éndéké, na éngaba môbô na môbô. Ndongi dimeetsa Nzambé gôépandôédu dindé na tsoongo te g’ôtangô apitsi. Môgôô ôétsiô môma gôévovo gô aanga ôgi ôngoota. Eodo gôémenya mabégô metso éngakôdéa.

Buéyé mbe neetsô ngudi gôévovo yaanga yôgi divovo oma, me géékédu yangô, na dôta dine divovo asi g’ôba, ôkô me tsiba na étondo éaNzambé gô môtémami, mavovia mami mbe te gandé ôgi angomo na ône egenge ôsookanôni, te nzongodi étévo.

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.

Buéyé mbe nakabéké ôkitie wami wetso, na buéyé mbe neetséké ôtôe wami gôébéku gô soto ôgondoku, ôkô me tsiba n’etondo éaNzambé gô môtémami, me mbe natsôgô te bobo.

G’ôanéngée wami namatasaka, na namatanganédaka na namavovoko geenda muanéngé. Ivô vamoongôga me naka mômôgôô, namatsika metso mane meenda muanéngé.