Popular Bible Verses from Hakaroma 1

Share

Mbadi na kufa honyi kumbudhi dhodhiwa. Yoyishi dhongcamu dhaNyambi, mukughamwena yomuhe ghokutawa. Pakutanga ne Hajuda, karo ngambi yu gha dhira kukara Mujuda.

Mumbudhi dhodhiwa, mwa tunda shemwa yihokoka eshi, ghuhunga ghu gha tapa Nyambi, thothinu thokutanga no thoghuhura ghomatawero. Thika di yapwa kutjanga eshi: “Oyu gha wanine pamatawero ghuhunga, mbo ghana para.”

Kutunda pamavarekero ghokaye, munu gha kone kutjwathana thiwana thirughana thaNyambi, eshi ngcamu dhendi dha kara kuroruhe no Aye ne yoNyambi ghoshemwa. Ngambi kenge ya kara po yinu yokudhira kumona munu. Kwawanu wa kukwawo ne mbadiko mathigherero.

Yoyishi, ngambi kenge ha mu dimuka Nyambi, mbadi ha mu fumaneka eshi Nyambi no mbadi ha mu tumeranga. Muyighayara yawo, mbadipo thi ha wanine po. No mughuyero wawo, ha wererire mumakokore.

Eyi ne yo yawatjidhithire ghushemwa waNyambi no kughupirura kumbango. Awo ha karera no kufumaneka thivareka mudyango dyaMuvareki. Oku sho di yende difumanekero kuroruheya. Amen.

Ghupata waNyambi, gha ghuhokora kutunda kudiwiru ghu tambe kuyikara yoghunyambi ghombango ghoghuhe, no kughuyi wawanu awa hana kuyereka kupetha ghushemwa, pamurandu ghoghuyi wawo.

Yo gha tapera Nyambi mumitjima dhawo yitokota yoyikuru. Hakamadi wawo ha yi nyathire yikara yi ya karire po, no ha pirurire nawo yikara yapo. Kemo dyo ya wa yedhahgurire nawo harume yikaramango yi, namukamadi, no ha pyaghanine kuyirumbera. Harume, ha tendire yoyiyi kwawayendhawo. No yawa reterire mahumbithero ghomakuru, ghokumayongarero ghawo hathinda. No yoyishi mbadi ha kudhekerire mukudimuka Nyambi, yo ghawatapa kuyighayara yawo yokupiraghuka eshi ha tende eyi ya dhira kurikanya.

Awo ha kunegha yira hanya‐nyami. Nane hathuta. Mukufumaneka Nyambi shihuru, mwa yipirwera kuyitjwandjo yokupitura munu ghokudhongonoka, ngambi yira yinyunyi no yiyama endi yiyoka.