Popular Bible Verses from Jakobusi 3

Share

Ene ghunyanyami ghu, Kuwiru wa tunda. Wa pira ghudhindo no karo wa thiraro, wa ghunongo, wa makuyuvero, wa yara thin̂eke no yirughana mwene, wa pira makutjakero no wa hungama.

Poghadi papenu munya‐nyami no mukamaghano ndi? Ngeshi poghadi, gha kone kuyinegha payikara yendi yoyiwa no payitenda yendi, eyi yina kunongonona ghunongo wendi no ghunya‐nyami wendi.

No ghuhungami, kughukesha mwa watendi hohakuni hothiraro.

Yoyishi, oku kwa kara thivunganyi, no yitenda yoyihe yimango.

Norudimi tuna kukughitha twe Fumu no Wihetu. No karo norudimi, tuna kutukitha twe hanu awa ha pwire kutenda kunungu dhaNyambi. Mukanwa kofotji koko, mo dina kutunda difumanekero no matuka. Mwayendhange, mbadi ya kona kukara kemo.

Rudimi naro mudiro oghu wa yara ghuyi mukaye. Aro ne thipo thoyirama ethi tha shinya munu yomuhe. Aro, kutumeka moyo ghoghuhe, kutunda kumushamurukero kate kukufa, no runa kukutumeka kate kumudiro ghororuheya.

Ene mbadiko munu yu gha kona kughokitha rudimi. Yoyishi, aro ne rwa kara no ghupata ghushipu no rwa yara ghuhungu.

Mwayendhange, mbadi mwa kona kukara mwahe mwahongi. Yoyishi, mwa kona kudimuka eshi, atwe twahongi mbana tu tetera ndhango dhodhikuru, kupiterera hamweya.