Popular Bible Verses from Jakobusi 1

Share

Mwayendhange, mwa kona kushamberera thikuma, ngeshi ha gha mwiyera mayerekero ghomengi. Yoyi mwa dimuka eshi ngeshi ha yereka matawero ghenu, ghana kureta madhidhimekero.

Ngeshi poghadi yofotji ghopapenu oyu gha pira maghano, hasha gha kona kukumbera kwaNyambi. No Aye mbo ghana mupa, yoyishi Nyambi gha tapa kwawahe yoyihe. Aye mbadi gha yi tapanga nomutjimakoka no kunyohekera temba.

Mwayendhange homwahakwa, eyi ne mwa kona kuyipaka mumaghano eshi: Kehe munu gha kone kuhima wangu kutegherera. Mbadi gha kona kughamba wangu no kupata wangu.

No madhidhimekero gha ne, gha kona kukuma mo ndani. Eshi mu kone kukura mumupepo ghokuyara, no kupira yinyanda yimweya.

Amwe ne mwa kona kutenda eyi dhina kuninga n̂ando. No mbadi wa kudhitegherera vene. Kuninga eshi, maghana sho mu kwangere mwathinda.

Mukafiyaghudhi, munu yu ghana kudhidhimeka mumayerekero. Ngeshi ghana piti mumayerekero mbo ghana wana thikoroni thokawithitha moyo ghu gha tureka, Fumu, kwawa ha mu haka.

Kehe thitapa thothiwa no kehe thitapa mwene thonyara‐nyara, kuwiru tha tunda. Atho ne tha tunda kwaWihetu oyu gha varekire mashani ghodiwuri. Ene Aye, shivutaghuka no kadi wa kuvindighera yira mashani.

Oyu ghokutegherera vene roruhe n̂ando no mbadi wa kutenda, eyi dhina kuninga n̂ando, gha pitura yira yu ghana kumona rupara rwendi muthikumoneno. Aye ghana kukurera mo thinda. Ene pakutunda muthikumoneno, ghana kuvurama wangu nungu dhendi.

Ghukareri no ghukushuki, kughutho waNyambi ghoWihetu ne kughamwena hathighana, nawadidhi mumaghukukutu ghoyipara yawo, no kukukongora kumaghuyi ghokaye.

Munu yu ghokukara mumayerekero, pererependi gha kone kuninga eshi: “Ame ne Nyambi ghana ni yereka.” Yoyishi Nyambi ne mbadi wa kukona kumwangera. Naye karo thinda mbadi wa kwangera munu. Ene munu ya kona kumwangera yirumbera yendi, eyi yina kumuyedhaghura no kumuthundawedha.

Mutawi ghomuhepwe, gha kona kushamberera. Yoyishi gha mu kutekera Nyambi.