Popular Bible Verses from Luka 16

Share

Cv́m vtvng rì taq kv́mv́m vrvm gǿ nø mvme te rì taq gø kv́mv́m vrvme. Vrá, cv́m vtvng rì taq kv́mv́m màrvm gǿ nø mvme te rì taq gø kv́mv́m màrvm.

Vshuq tiqgǿí àngkàng vnígǿ sv̀ng dvzøm màshvla. Àng nø tiqgǿ sv̀ng shvngoshì nø̀ tiqgǿ sv̀ng shóngshì longe. Mø̀íni, tiqgǿ sv̀ng nøt wáshì nø̀ tiqgǿ sv̀ng yv́ng mvtv̀m lú:ngò. Nàmaqí nø Gvray kaq gø, gv̀msùng kaq gø dvzøm màshvla,” a:lòe.

Wervtnø̀ nàmaq nø rvgaqtø̀m dvpø̀rì taq kv́mv́m mènàrvmnø̀ng nìnø, pø̀hvp mvdø̀ng rì sv̀ng kagǿí nàmaq kaq tvle daqòni má? Nàmaq nø dvgá vsv̀ng dvrè taq kv́mv́m mènàrvmnø̀ng nìnø, nàmaq dvrè ílv́m rì sv̀ng kagǿí èzívtnø̀ngni má?

Abrahamí, ‘Àngmaq nø Moshi Dvrá nv̀ng Kàdvtutshúrì kà sv̀ng dv́ng mvta nìnø, shì yà:ngì rì kèní tiqgǿ dèzá:rò nìgø, àngmaq kv́m long we mø̀í,’” a:lòe.

Àng chø̀mmè nv̀ng vkang nø̀ dvgá tiqmè ó shvzøngshìvm we kagǿ ínìgø, dvchap mvrà wàò we íe. Vrá, àng chø̀mpè nv̀ng vkangshaq mè ó shvzøngshì pèí gø dvchap mvrà wàò we íe.