Popular Bible Verses from MATIUS 10

Share

“Cerngailoh! Eng Ngngeng engkek begei ha dombe nu semakdek cok lig. Kerana ajeh, engkek hodloh cerdeg begei ha tijik ru jinak begei ha merpati. Imaksodjeh, engkek hodloh panei behati-hati ru lekat bersikap bor nu dikdij mai.

Bok imai de kihok ha inyawe, inyawe ajeh doh nyep. Tapi bok imai de kiog inyawe ha Eng, kek doh kikep sinui de lei ditehjeh.”

Wesloh agok sengoh ha manusia de dapat naiperdat ha berog tapi pek naibekuasa naiha-pebinasa kelog. Tapi sengohloh ha Jenang de bekuasa Kipebinasa baik berog ataopen kelog ku kateh os nyeng.

Bok imai de kaha-joi Eng tapi kinyek betanggong senusah lei hod kidat, kek pek layak kijadi pengikot Eng.

“Bok imai de kiaku Eng ku ngar mai jengoi, Eng pen doh Ngaku kek ku ngar Menek Eng ku serga. Tapi bok imai de kinyek beaku Eng ku ngar mai jengoi, Eng pen doh Ngnyek beaku kek ku ngar Menek Eng ku serga.”

Perborloh mai de nyik, persuiloh mai de ya dat, perborloh mai de nyik kuste ru peretloh nyanik. Ya engketerima pecume kuasa adeh, jadi behloh dikdij ajeh pecume juga.

Kerana ajeh, wesloh agok sengoh ha manusia! Engkek lebeh beharga daripade jeoi cep rej!”

“Engkek salah amen engkesangka Eng Nghol nu dunia adeh Ngha-beh mai naisui damei. Eng pek Nghol Ngha-beh mai naisui damei, tapi Nghol Ngha-beh mai naibelawan ratak liknai.