Popular Bible Verses from Ɓalɔma 8

Share

Tanɨmbɨa iɗo ɓɔ, yaka iɓomu yakɔkyananakɨa ta akɔ iɗo iɗo yɔ ɓombi ngʉɓa ɓanɔ ɓʉkʉnda akɔ Asɔɓɨɨ, ʉɓa, a꞉ɓisoko akpatanakɨa nɔ yaka ngɨyɛ a꞉kwaisio jɛnɛ.

Amati ɔ yaka ngɨyɛnɛnɨ iɓomu, isu takyɔnagaaka nagaakanɨ, ta akɔ angu ɔ mombi ngɨa a꞉tɨkʉnda. Dɔ ɨmɨ, nanɨmbɨa iɗo ɓɔ yaka yangɔmʉ pɔ mɛngana ɨyɛ, yɛneni yatɨnagbonyonokiso nɔ ɓʉkʉnda ɓa Asɔɓɨɨ: yiɓio gʉtʉ ta ingwo, ga pɔ uɓei, gʉtʉ ɓamalaika, ga pɔ ɓangama ɓɔ naɓutu, ga pɔ yaka ngɨyɛ ɓʉɓʉnʉ, ga pɔ ɨyɛ ya sungo anɨka, ga pɔ ʉɓa ɓanɔ angu ɔ umomo, yiɓio gʉtʉ ta angu ngɨa akʉʉ ɔ ɓisi, ga pɔ ɨya iyani asɨ ɔ dɔdɔ, gʉtʉ pɔ ɨkyɛmʉ pɔ mɛngana ɨyɛ ɓa꞉ɨkɨa. Yaka yangɔmʉ gʉtʉ pɔ mɛngana ɨyɛ yɛneni yatɨnagbonyonokiso nɔ ɓʉkʉnda ngʉɓa Asɔɓɨɨ, a꞉tɨpananiso amati ɔ Makweso Yeso Klisito.

Mʉtɨma wɔta Tu, wakyɔtɨkɨa isingo ngbanga kʉɓanɨ, dɔ isu ta ɓadɔɓa. Ɨna-sɨ, tangɛmbɨa pɔ nɨta Asɔɓɨɨ ndʉ aka, yɔsisekio-ɔɔ. Kʉdɔ, tɨta Mʉtɨma wɔta Tu ingainga akɛ, wakyɔtɨtɨa, ɨngbaa akɔ huɓo ngɨyɛ monu, kangɔkwananamʉ akɔsugo.

Anɨna yaka ngɨyɛnɛnɨ iɓomu, tasugo tanɨ? Asɔɓɨɨ ɔɓieni nɔ ʉgbaa ngʉweso, tɨa anɨ dɔ atɨkɨa ɓata isu nɔ ɨkyɛmʉ?

Kʉɓanɨ, ɨtakɨtakɨ ngɨyɛ, Asɔɓɨɨ angɔmʉ ɓata anapɨa ɓombi ngʉɓa ɓa ɨkyɛmʉ mɛngana amati ɔ Yeso Klisito nɔ mʉkɔmbʉ pɔ bele.

Ɨnadɔ, mombi ɔkpatakeni mʉsasa ngʉwangɔ wɔ ndʉtʉ, yamutito ta akɔ ingwo, yakamɛngana, Mʉtɨma wɔta Tu wenjo ɨwɔ uɓei nɔ majɨɔ.

Amati ɔ yaka ngɨyɛnɛnɨ iɓomu, isu takyɔnagaaka nagaakanɨ, ta akɔ angu ɔ mombi ngɨa a꞉tɨkʉnda. Dɔ ɨmɨ, nanɨmbɨa iɗo ɓɔ yaka yangɔmʉ pɔ mɛngana ɨyɛ, yɛneni yatɨnagbonyonokiso nɔ ɓʉkʉnda ɓa Asɔɓɨɨ: yiɓio gʉtʉ ta ingwo, ga pɔ uɓei, gʉtʉ ɓamalaika, ga pɔ ɓangama ɓɔ naɓutu, ga pɔ yaka ngɨyɛ ɓʉɓʉnʉ, ga pɔ ɨyɛ ya sungo anɨka, ga pɔ ʉɓa ɓanɔ angu ɔ umomo, yiɓio gʉtʉ ta angu ngɨa akʉʉ ɔ ɓisi, ga pɔ ɨya iyani asɨ ɔ dɔdɔ, gʉtʉ pɔ ɨkyɛmʉ pɔ mɛngana ɨyɛ ɓa꞉ɨkɨa. Yaka yangɔmʉ gʉtʉ pɔ mɛngana ɨyɛ yɛneni yatɨnagbonyonokiso nɔ ɓʉkʉnda ngʉɓa Asɔɓɨɨ, a꞉tɨpananiso amati ɔ Makweso Yeso Klisito.

Yanɛmɨ anɨnɨa ndʉ ikoko ngɨyɛ tanɨdya ɨtakɨtakɨ ngɨyɛ, yangɔkwananamʉ aɓio ngbanga nɔ ʉbɨba ngʉwa Asɔɓɨɨ, a꞊tɨpananiso sina aɓʉmba.

Anɨ ɨyakɛ atɨnagbonyoko isu nɔ ɓʉkʉnda ɓɔ Klisito? Ga pɔ ikoko, ga pɔ ɓʉkaɓʉkaɨ, ga pɔ kyananaka yɛta ɓumu ɓumu, ga pɔ taa, ga pɔ munduu, ga pɔ ɗite, ga pɔ ingwo?

Kʉɓanɨ, Asɔɓɨɨ ngɨa ɛna yaka iɓomu ngɨyɛ amati ɔ mʉtɨma, akwanana tɨa kʉ anɨmbɨa yaka ngɨyɛ Mʉtɨma wɔta Tu, wanayɔ asigio, dɔ ɨyɔ Mʉtɨma ngʉwɔnanɨ, wakyɛtɨa ɓombi ngʉɓa ɓa꞉mʉbaya, akpatanakɨa nɔ ɓʉkʉnda ɓa Asɔɓɨɨ.

Dɔ, mombi muɓomu ngɨa akyɛndakiso uɓei ngʉwangɔ nɔ Mʉtɨma wɔ Asɔɓɨɨ, ɨyɔ a mwana ɔ Asɔɓɨɨ.

Mʉtɨma wɔ ɓombi ngʉɓa ɓakyɛndakiso uɓei ngʉweɓo, akɔkpatanakia nɔ mʉsasa wɔ ndʉtʉ, ɨtungwio ngɨyeɓo yakpataka kʉ mʉsasa ngʉwɔnanɨ. Yakamɛngana, mʉtɨma wɔ ɓombi ngʉɓa ɓakɔkpataka iso yɔ Mʉtɨma wɔta Tu, ɓahata ɨɓɔ kʉ yaka ngɨyɛ Mʉtɨma wɔta Tu wanaɓɔ akɔtitio.

Ɨyɔ ngɨa, a꞉kʉngʉamʉ gʉtʉ pɔ mukpekpe wɔ mwana angɔ, yakamɛngana, amʉgaba akɔ isu ɓaɓomu. Yakwa dɔ tɨa tanɨ ɓɔ atɨtinjomʉ lɨkyɛmʉ liɓomu ɨhɔ nɔ mwana angɔ?

Mʉtɨma ngʉwɔnanɨ ingainga, ɨhɔ nɔ mʉtɨma ngʉweso, ɨɓɔ ɓanesu achwɛa ɓʉdɛmʉ ɓɔ, ta ɓana ɓɔ Asɔɓɨɨ. Nɔ yɔɓieni ɓɔ ta ɓana ɓangɔ, isu, ta꞊dya sina mʉgyɛndɔ wɔ maɓɨɨ, ngʉwa a꞉panaka jɛnɛ ɓombi ɓangɔ, tɨa kʉ ɨhɔ nɔ atɨ Klisito. Kʉɓanɨ, tanɨdya ikoko ɨhɔ nayɔ, iɗo ambɔ, tɛ꞊nɨanɨa sungo tɨa kʉ nɔ ʉbɨba ɨhɔ nayɔ.

Ɓombi ngʉɓa ɓakpataka mʉsasa wɔ ndʉtʉ, ɓa ɓakwa ɓɔ Asɔɓɨɨ. Ɓangɔkyananakɨamʉ mapanʉ ngʉkangɔ, dɔ, ɓangɔkwanamʉ nakɔ akyananakɨa pɔ kʉɓanɨ.

Ɓayaka ɓaɓomu ngʉɓɔ Asɔɓɨɨ a꞉ɓʉkɨa adɔdɔ, ɓakɔɓɛtɨa nɔ mʉsasa nɔgbɛ, angbinga ngɨa Asɔɓɨɨ a꞊pananiso sina-ɔɔ ʉbɨba ngʉwɔ ɓana ɓangɔ aɓʉmba.

Ɨnadɔ, tanɨmbɨa ɓɔ akɔɓɔya ɓʉɓʉnʉ, ɓayaka ɓɔ dɔdɔ ɓaɓomu, ɓanɨdyana menu nɔ huɓo ndʉ ɨyɛ moi ɔ ɓʉa akɨa-ɔɔ apɛɨ ɔ ʉnɔtʉ