Popular Bible Verses from Ɓalɔma 14

Share

Dɔ, Ɓʉngama ngʉɓɔ Asɔɓɨɨ ɓangɔmʉ akʉʉ ɔ dyakanaka, nɔ mwakanaka. Yakamɛngana, ɓa akʉʉ ɔ ɓungbingbii, majɨɔ, nɔ, ɨgyagya ngɨyɛ Mʉtɨma wɔta Tu wenjo. Mombi muɓomu ngɨa akyananakɨa Klisito ɓanɨ, anɨkataa Asɔɓɨɨ, nɔ ɓombi ɓɔmʉɓɨnyɨa kʉ ɓɨnyɨanɨ.

Dɔ, tɔɓieni akɔ uɓei, ta akɔ uɓei akʉʉ ɔ Makwɔɓɨɨ, nɔ tɔweni, tawo kʉ akɔ Makwɔɓɨɨ. Kʉɓanɨ, yiɓio ɓɔ taniwo ga pɔ ta akɔ uɓei, ta lɨkyɛmʉ lɔ Makwɔɓɨɨ.

Kʉɓanɨ, tɨkɨeni angu aɓio nɔ mʉkyananakɨa ngʉwa wenjo majɨɔ, nɔ, aninjono angu amati ɔ báya.

Kʉɓanɨ, tɨsɨeni anapɨana nɔ mʉkɔmbʉ ati eso. Yakamɛngana, yɛtɔ akwaisio ɓɔ mombi pɔ mʉngana atɨnapɨamʉ yaka apɛɨ ɔ nduku angɔ, ɨyɛ, yamʉkwisiso, ga pɔ nayɔ atʉma akɨa ɓʉɓɨɓɨ.

Dɔ, amati ɔ Mabii, ya꞉tɛndanakɨa ɓɔ: «Ɨmɨ, Makwɔɓɨɨ ngɨa akɔ uɓei, nakɔsugo ɓɔ: mombi muɓomu a꞊ɓgʉkʉmɨa sina mawu apɛɨ asɛmɨ. Nɔ, mombi muɓomu a꞊baya sina ɓɔ ɨmɨ na Asɔɓɨɨ.» Kʉɓanɨ, mombi nɔ mombi ati eso, ɔ꞊ngaka sina uɓei wɔ mʉtɨma ngʉwangɔ apɛɨ ɔ Asɔɓɨɨ.

Mʉtɛtɨeni mombi ngɨa a adɔɓa akɔ báya, nɔ mʉmɔmakeni sɔkɔmʉ nɔ ɗuɗuono nayɔ akʉʉ ɔ itungwio ngɨangɔ.

Ʉwɛ, wa-sɨ ndʉ anɨ akio mʉkɔmbʉ wɔ baya ɔ mangɛ? Ɔɓieni ɓɛmaɛ kʉndʉ ɓakwɛ, ɨyɛnɛnɨ yakɔkanga ta makwangɔ. Yakamɛngana, ɛ꞊maa ta ɨmaanɨ, dɔ, Makwɔɓɨɨ anɔ angu nayɔ atʉngbʉa.