Popular Bible Verses from Matayɔ 22

Share

Ɔ꞉mutosio ɓɔ: «‹Wa꞊kʉnda Asɔɓɨɨ, Makwɔɓɨɨ ngɨasɔɔ nɔ ipumo yɔ mʉtɨma ngɨyɛsɔɔ iɓomu, nɔ mʉtɨma ngʉwɔsɔɔ uɓomu, nɔ nɨmbɨmbɨanaka ngɨyɛsɔɔ iɓomu. Ʉpanʉ ngʉwɔ pɛɨ, nɔ ʉwa wɔta ʉja, ʉwɔnanɨ.› Ʉwɔ ɓepini wa ngbanga kʉ nɔ ʉwɔnanɨ, wa ɓɔ: ‹Kʉnda mangɛ, kʉndʉ wakʉndana ʉwɛ, makwɔngɔ.›

Mapanʉ ngʉka kɔ Musa, nɔ ʉka kɔ magbɛ, itindindi yɔngɔ ɓɔ kpɛ, ya ta mapanʉ kapɨnɨ ngʉkɔnanɨ.»

Yeso ɔ꞉tɔpipio sugo tɨa ɓɔ: Ɓombi ngʉɓa ɓa꞉ɓisoko ɓa ɓaja, yakamɛngana, ʉɓaɓɛ ɓa꞉ɓʉchwa ɓa bele.»

Dɔ, ɓisi ngʉɓa ɓombi ngʉɓa ɓa꞉sio ɓa꞉jʉkana sina-ɔɔ akɔ ingwo, sɨkana ati ɔ ɓoi nɔ ɓague, ya꞊ngɔɓio sina ɓata. Yakamɛngana, ɓombi ɓa꞊ɓio sina tɨa ndʉ ɓamalaika ngʉɓa akʉʉ ɔ ɓisi.

Anapaneni-sɨ ɓagyɛgyɛ ngʉɓa nálipaka naɓɔ manjanja.» Kʉdɔ, ɓɔ꞉minjo agyɛgyɛ ga ja. Yeso ɔ꞉ɓuɓokuo ɓɔ: «Muyendu wɔ mesu kanɨ, nɔ ino yanɨ ɨyɛkɛ?» Ɓɔ꞉mutosio ɓɔ: «Kɔ ngama ata mʉja ngɨyɔ Ɓalɔma.» Yeso ɔ꞉ɓusigio ɓɔ: «Ɛɛ! Lɨkyɛmʉ ngɨlɔ ngama ɔ Ɓalɔma, minjeni kʉ ngama ɔ Ɓalɔma, nɔ lɨkyɛmʉ ngɨlɔ Asɔɓɨɨ, nɔ́minjo kʉ Asɔɓɨɨ.»