Popular Bible Verses from Matayɔ 19

Share

Yeso ɔ꞉ɓʉkanga ɓɔ gbɔɔ, nɔ, ɔ꞉ɓusigio ɓɔ: «Akɔ ɓombi, yaka ndʉ ɨyɛnɛnɨ yangɔkyananakɨamʉ. Yakamɛngana, akɔ Asɔɓɨɨ, yaka iɓomu yakyananakɨa kyananakɨa.»

Kʉdɔ ɨɓɔ, ɓangɔɓio tii ɓata ɓombi ɓapɨnɨ, yakamɛngana, ɓa꞊ɓio tɨta ɨkyɛmʉ mɛngana. Kʉɓanɨ, ɓombi ngʉɓa Asɔɓɨɨ ɔɓuɗeteniso ɨhɔ, mombi atɨɓʉnagbonyonokisomʉ.»

Yeso ɔ꞉ɓutosio ɓɔ: «Nángɔpopoko ndɨ sina inu ɓɔ, akɔ mʉkpanganɨa ‹Asɔɓɨɨ a꞉kɨa atɨ gue nɔ moi?› Nɔ, Asɔɓɨɨ a꞉sugo ɓɔ: ‹Ya akʉʉ ɔ yaka ngɨyɛnɛnɨ, ɨyɛ gue angwa-ɔɔ atɨ ɨsɛ nɔ atɨ inye, nɔ, ɓɔjonokio nɔ moi angɔ, nɔ, ɓɛka tɨa ɨkyɛmʉ mɛngana.›

Kʉdɔ, Yeso ɔ꞉sigio ɓakpata ɓɔ: «Sɨeni ɓana anɨka andamɨ. Nátɨɓʉnangyenimʉ, dɔ, Ɓʉngama ngʉɓa ɓa akʉʉ ɔ ɓisi, ɓa akɔ ɨkananja yɔ ɓombi ngʉɓa ɓa kʉndʉ ɨɓɔ.»

Ya ɓanɨ, ɓombi ɓaja ngʉɓa ɓa ɓʉɓʉnʉ apɛɨ, ɓa꞊ɓio suo tɨa ambise. Kʉndʉ ɓombi ɓaja ngʉɓa ɓa ɓʉɓʉnʉ ambise, ɓa꞊ɓio suo tɨa apɛɨ.

Mombi muɓomu ngɨa a꞉sɨa lɨkáá ngɨlangɔ, ga pɔ ɓamanye ɓegue, ga pɔ ʉɓa ɓeɓoi, ga pɔ ɨsɛ, ga pɔ inye, ga pɔ ɓana ɓangɔ, ga pɔ ɓakʉbaa, akɔ yaka yɛsɛmɨ, ɨyɔ, ɛ꞊nɨanɨa nɔ lɨkyɛmʉ ngɨlɛnɛnɨ, akɔnagaaka machaa mɨya, nɔ, ɛ꞊nɨanɨa sina tɨa kʉ nɔ uɓei ngʉwɔ mago nɔ mago.

Ga Yeso nayɔ ɓɔ: «Ndʉ wabaya akyananakɨa mapanʉ ngʉkɔnanɨ maɓomu, sa agaba lɨkyɛmʉ ngɨlɛsɔɔ liɓomu. Ɓagyɛgyɛ ɓɔngɔ, wɔɓʉpakɨa ɓajanga. Kʉdɔ, wɛ꞊nɨanɨa tɨa nɔ ɨjangɨa akʉʉ ɔ ɓisi. Mbise ɔngɔ wɛka, nɔ, wɔnakpata.»

Yeso ɔ꞉mutosio ɓɔ: «Wɔnaɓokuo yaka akʉʉ ɔ ɓuɗo, dɔtanɨ? Mombi ata muɗo, a ta mʉngana ɓɔ ngbe. Wɔkʉndeni akumonio amati ɔ Ɓʉngama ngʉɓa akʉʉ ɔ ɓisi, kyananakɨa ta mapanʉ.»

Nɔ, na ɓata amatɨa nenu asigio ɓɔ, ya siasia akɔ ngamɨa akumonio akɔ ihoo yɔ ɗipio, anagaaka mombi ɔ lɨkyɛmʉ akumonio akɔ Ɓʉngama ɓɔ Asɔɓɨɨ!»

Nanenu asigio ɓɔ, gue ɔtoseni moi angɔ, ɔmʉfenimʉ ta nɔ gue nɔ, ɔsɨka ɔmɔ, ɔkɨɔ ɓuso kɨanɨ.»

Kʉdɔ, Yeso ɔ꞉ɓusigio ɓakpata ngʉɓangɔ ɓɔ: «Ta ingono, nanenu asigio ɓɔ, ya ɓʉkaɨ nɔgbɛ akɔ mombi ɔ lɨkyɛmʉ akumonio akɔ Ɓʉngama ngʉɓɔ akʉʉ ɔ ɓisi.